Махмуд Ходжамияров

Ходжамияров Махмуд (1886, қазіргі Алматы облысы Жаркент қаласы — 1938), Жетісуда кеңес өкіметін орнатуға белсене қатысушы. 1915 жылы Жаркенттің ауыл шаруашылығы мектебінде оқыған. 1917 жылы Жаркент уезінде С.Журавлев бастаған Қызыл гвардия жасағына алынып, ақ гвардияшыларға қарсы күресті. 1920 жылы Жаркент уездік-қалалық милициясында қызмет атқарды. 1921 жылы Ә.Жүнісов, М.Байсамақов, С.Шанышев, Н.Ушурбакиев, т.б. бірге атаман Дутовты жою әрекетіне белсене қатысты. Бұл оқиға “Атаманның ақыры” атты көркем фильмінде бейнеленген. Азамат соғысынан кейінгі жылдары шаруашылық-әкімшілік қызметтерде болды.