Мейірім Төлегенұлы Нұрсұлтанов

Уикипедия — ашық энциклопедиясынан алынған мәлімет
Навигацияға өту Іздеуге өту
Мейірім Төлегенұлы Нұрсұлтанов
Жалпы мағлұмат
Азаматтығы

 Қазақстан

Туған күні

29 шілде 1993 (1993-07-29) (30 жас)

Туған жері

Аягөз, Шығыс Қазақстан облысы

Салмағы

72,574 кг дейін (160 фунт)

Тұрысы

сол жақтық тұрыс (оңақай)

Бойы

183

Бапкері

Жанат Манашев, Бейбіт Есжанов

Қызметтік тізімі (boxrec)
Марапаттар
Men's Boxing
 Қазақстан
Жастар арасындағы Азия чемпионаты
Алтын Тегеран 2010 64 кг дейін
Қазақстан чемпионаты
Қола Астана 2012 69 кг дейін
Алтын Тараз 2014 75 кг дейін
World Series of Boxing
Алтын WSB 2015 75 кг дейін

Мейірім Төлегенұлы Нұрсұлтанов (27 шілде 1993, Аягөз, Шығыс Қазақстан облысы, Қазақстан) — қазақстандық боксшы, ХДСШ, 2014 жылғы Қазақстан чемпионы, 2015 жылғы Дүниежүзiлiк бокс сериясының (WSB) чемпионы. Орта салмақтағы кәсіпқой боксшы (middleweight). Америка Құрама Штаттарында жеңіліссіз өткен тоғызыншы жекпе-жекте NABF Junior Middleweight чемпиондық белбеуін жеңіп алды (2018).

Әуесқойлар арасындағы Азия-2013 және 2013 жылғы әлем чемпионы — Мерей Ақшаловтың інісі.

«Менің ағам әрқашан менің кумирім болды. Мен оның қадамдарын үнемі бақылайтынмын. Ол тамаша боксшы. Бокс — нағыз спорт түрі. Әр адам өзін және отбасын қалай қорғау керектігін білуі керек». — Мейірім Нұрсұлтанов. Мейірімнің боксшы болып қалыптасуында оның ағасы, Азия-2013 және 2013 жылғы әлем чемпионы (64 келі салмақта) Мерей Ақшалов басты рөл атқарды. Содан бері әуесқойлық деңгейде Нұрсұлтанов 250-ге жуық жекпе-жек өткізді.

Әуесқой айқастарындағы мансабы

[өңдеу | қайнарын өңдеу]

2009 жылдың қараша айында 16 жасар Нұрсұлтанов Орал қаласында өткен 64 келі салмақтағы 1992-1993 жылдардағы жастар арасындағы Қазақстан чемпионатында жеңімпаз атанып, Азия чемпионатына жолдама алды[1].

2010 жылдың наурыз айында Тегеран қаласында (Иран) 64 келі салмақта жастар арасында Азия чемпионы атанды[2].

2012 жылы 19 жастағы Нұрсұлтанов 69 келі салмақта Астанада өткен бокстан ересектер арасындағы Қазақстан чемпионатының қола жүлдесін жеңіп алды, осы салмақта Қазақстан Республикасының чемпионы болып одан кейін сол жылы әлем және Азия чемпионы болып Данияр Елеусінов атанды[3].

Ол 2014 жылдың желтоқсан айында Тараз қаласында 75 келі салмақта финалда оңтүстікқазақстандық Нұрзат Сабировты ұтып, Қазақстан чемпионы атанды[4].

Дүниежүзілік бокс сериясының (WSB) «Astana Arlans» қазақстандық жартылай кәсіпқой командасына шақырылды. 2015 жылғы маусымның басты кейіпкерлерінің біріне айналды. Ол 75 келіге дейінгі салмақ дәрежесінде барлық жекпе-жекте жеңіске жетіп, финалда «Cuba Domadores» командасынан кубалық Лопес Кардонаны (3:0) сенімді түрде ұтып, «Astana Arlans» екінші рет WSB чемпионы атанды[5].

Кәсіби мансабы

[өңдеу | қайнарын өңдеу]

2016 жылы 23 жастағы боксшы кәсіпқойға ауысу туралы шешім қабылдап, Кэти Дува басқаратын Main Events компаниясымен келісімшартқа отырды. Боксшының менеджері Эгис Климас ресейлік Сергей Ковалев пен украиналық Василий Ломаченко мен Александр Усиктің ісімен де айналысады. Жаттықтырушысы: Роберто Гарсиа. Жаттығу алаңы Окснард, Калифорния, АҚШ. Ол жерлесі Мадияр Ашкеевпен бір командада жаттығады.

Ол 2016 жылы 19 қарашада АҚШ-тың Лас-Вегас қаласында Сергей Ковалев - Андре Уорд жекпе-жегінің андеркартында дебюттік жекпе-жегін өткізіп, бірауыздан қабылданған шешіммен (60:54, 60:54, 60:54) 6 раундта Генри Бекфордты жеңді.

Екі жылдан кейін, 2018 жылы 13 қазанда Лас-Вегаста (АҚШ) өзінің тоғызыншы жеңіліссіз жекпе-жегінде ол төрешілердің бірауыздан қабылданған шешіммен (80:71, 80:71, 80:71) афроамерикалық Джамар Фриманды (15-6-2) жеңіп, NABF Солтүстік Америка чемпионы атағын жеңіп алды[6].

Кәсіби жекпе-жек кестесі

[өңдеу | қайнарын өңдеу]
Айқас Есеп Күні Қарсыласы Болған жері Нәтижесі Ескерту
11 11 (8)-0 24 наурыз 2019 Пуэрто-Рико Луис Эрнандес (16-7-0. 9КО) АҚШ Авалон, Голливуд, Калифорния, АҚШ UD (8)
10 10 (8)-0 11 қаңтар 2019 Мексика Рамон Агинага (13-1-0, 9KO) АҚШ Chumash Casino Resort, Santa Ynez, Калифорния, АҚШ KO 2 (8) 2-раундта нокаут
9 9 (7)-0 13 қазан 2018 АҚШ Джамар Фримэн (15-6-2, 8KO) АҚШ Hard Rock Hotel and Casino (Las Vegas), АҚШ UD (8) NABF Junior Middleweight Title бос титулды жеңіп алды
8 8 (7)-0 4 тамыз 2018 Доминика Хонатан Батиста (18-14-0, 11KO) АҚШ Hard Rock Hotel & Casino Atlantic City, АҚШ RTD 2 (6) 2-раудтан кейін айқастан бас тарту
7 7 (6)-0 23 маусым 2018 Мексика Хосе Обандо (16-20-1, 12KO) АҚШ Belasco Theatre, Лос Анжелес, АҚШ KO 6 (6) 6-раундта техникалық нокаут
6 6 (5)-0 3 наурыз 2018 Мексика Алехандро Торрес (9-3-2) АҚШ Мэдисон Сквер Гарден, Нью-Йорк, АҚШ TKO 6 (6) 6-раундта техникалық нокаут
5 5 (4)-0 25 қараша 2017 АҚШ Эрик Мун (7-0-0, 6KO) АҚШ Мэдисон Сквер Гарден, Нью-Йорк, АҚШ TKO 2 (6) 2-раундта техникалық нокаут
4 4 (3)-0 9 қыркүйек 2017 Бразилия Исмаэль Буэно (15-6-0) Қазақстан Сарыарқа (велотрек), Астана, Қазақстан TKO 1 (6) 1-раундтың 50 секундында нокаут
3 3 (2)-0 14 шілде 2017 АҚШ Лэнни Дардара (5-7-2) АҚШ Belasco Theatre, Лос Анжелес, АҚШ KO 1 (6) 1-раундта нокаут
2 2 (1)-0 15 сәуір 2017 Мексика Хавьер Ольвера (1-0-0) АҚШ Мохеган Сан Арена, Анкасвилл, Коннектикут, АҚШ TKO 2 (6) 2-раундта техникалық нокаут
1 1 (0)-0 19 қараша 2016 АҚШ Генри Бекфорд (4-5-0) АҚШ Ти-Мобайл Арена, Лас-Вегас, АҚШ UD (6) Кәсіби дебюті

Дереккөздер

[өңдеу | қайнарын өңдеу]