Михаил Степанович Кожемякин

Уикипедия — ашық энциклопедиясынан алынған мәлімет
Jump to navigation Jump to search

Михаил Степанович Кожемякин (24.1.1913, Украина, Донецк облысы,Веселов ауданы,Верхне-Соленый хуторы – өлген жылы белгісіз) - 2-дүниежүзілік соғысқа қатысушы, майоры, 39-бомбалаушы авиация полкінің штурманы. Кожемякин ұзақ жылдар бойы Алматыда тұрды. 1935 жылы Кеңес әскері қатарына шақырылды. Ленинградты қорғауда жеке өзі 122 рет ұшып, жауынгерлік тапсырмаларды орындап отырды. 1944 жылдың 29 ақпанында полк 1-Украина майданының құрамына косылды. Бұл уақытқа дейін ол 1285 рет, оның 71-інде жау үстінен шүйіле ұшты. Полк Львов операциясын ешбір шығынсыз орындап, сол үшін «Дембицк полкі» деген атақ алды. Кожемякин полктегі аса күрделі жауынгерлік операцияларда ұшқыштар тобын өзі басқарды. 1943 жылы 17 шілдеде Орел - Курск операциясы кезінде Белые Ворота темір жолын бомбалады. Нәтижесінде вокзал мен үш эшелон жойылды, рельстер талқандалды. Жау 200-ден астам әскері мен офицерінен және көптеген техникасынан айырылды. 1943 жылы 13 тамызда әрқайсысы 9 ұшақтан түратын 8 колоннаны басқарған Кожемякин Спасск-Деменск операциясында Ельня темір жолы станциясын бомбалады. Мұның нәтижесінде станция мен жаудың 4 эшелоны жойылды. 1945 жылы 16 қаңтарда ауа райының өте қолайсыз жағдайында ұшқыштар колоннасы Краков қаласы маңындағы (Польша) әуежайды, 1945 жылы 28 ақпанда Кожемякин тобы Бреслау қаласындағы Гинденбург әскери казармаларын бомбалады. Нәтижесінде 4 үй қирап, қойма жанып, жаудың 5 атыс ұясы және 150-ге жуық әскері мен офицері жойылды. Жеке өзі 122 рет және полкпен бірігіп, 1498 рет ұшып, тапсырманы үлгілі орындағаны үшін Кожемякинге КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (27.6.1945). Ленин, 5 per Қызыл Ту, 1- және 2-дәрежелі Отан соғысы ордендерімен марапатталған. 1956 жылы Бас штабтың әскери академиясын бітірді. 1960 жылы полковник Кожемякин запасқа шығып, Мәскеу қаласында тұрды. [1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х