Мойынқұм (құмды алқап, Түркістан, Жамбыл облыстары)

Уикипедия — ашық энциклопедиясынан алынған мәлімет
Jump to navigation Jump to search

Мойынқұм құмды алқабы
Сипаттамасы
Ұзындығы500 км
Ені15-30 км
Ауданы37,5 мың км²
Климаты
Қаңтардағы орт. температура-11,2 °C
Шілдедегі орт. температура26,9–25,6 °C
Жылдық жауын-шашын деңгейі150-330 мм
Орналасуы
43°53′07″ с. е. 71°52′37″ ш. б. / 43.88528° с. е. 71.87694° ш. б. / 43.88528; 71.87694 (G) (O) (Я)Координаттар: 43°53′07″ с. е. 71°52′37″ ш. б. / 43.88528° с. е. 71.87694° ш. б. / 43.88528; 71.87694 (G) (O) (Я) (T)
Ел Қазақстан
АймақТүркістан, Жамбыл облыстары
Мойынқұм (құмды алқап, Түркістан, Жамбыл облыстары) (Қазақстан)
PlainIcon.gif
Мойынқұм құмды алқабы

Disambig gray.svg Басқа мағыналар үшін Мойынқұм деген бетті қараңыз.


МойынқұмТүркістан, Жамбыл облыстары жеріндегі құмды алқап.

Географиялық орны[өңдеу]

Солтүстігі мен шығысында Шу өзені аңғарымен, оңтүстігінде Қаратау, Қырғыз Алатауы жоталарының бөктерімен шектеледі.

Жер бедері[өңдеу]

Ауданы 37,5 мың км². Оңтүстік-шығыстан солтүстік-батысқа қарай 500 км-ге созылып жатыр. Мойынқұмның Шу өзеніне жалғасқан бөлігінің ені 15–30 км. Жер қыртысы палеозойлық тұғырдың майысқан (Шу синеклизасы) жерінде жатыр, беткі жағы шөгінді қабат. Шығыс бөлігі биіктігі 10–25 м, ұзындығы 1–2 км-дей жеке жалдарға бөлінген, жер бедері бұйратты. Орталық бөлігінде биіктігі 50 – 70 м құмды қырқалар қалыптасқан. Ойыстарда жер асты сулары тым жақын. Оңтүстік-шығысында және батысында жер асты сулары тереңіректе (35 – 50 м) кездеседі.

Климаты[өңдеу]

Климаты өте қуаң континенттік. Қаңтардың орташа температурасы батысында –11,2С (Тасты ауылы маңында), шығысында – 2–7,5С (Үмбет ауылы маңында), шілдеде 26,9–25,6С. Ауаның ең төменгі температурасы –40 –44С. Жауын-шашынның жылдық мөлшері 150–330 мм. Қардың қалыңдығы 10–15 см-ден аспайды.

Өсімдігі мен жануарлары[өңдеу]

Сексеуіл, жусан, жүзгін, еркекшөп, теріскен, т.б. өседі. Ақбөкен, қарақұйрық, қоян, кірпі, қосаяқ, саршұнақ, т.б. мекендейді. Мойынқұм – мал жайылымы. Шұратты жерлері шабындық ретінде пайдаланылады. Үмбет мемлекеттік аңшылық шаруашылығы және Андасай (Аңдысай) қорықшасы ұйымдастырылған.[1]

Дереккөздер[өңдеу]

  1. Қазақ энциклопедиясы