Молибден қосылыстары

Молибден қосылыстары

Мо

Молибден қосылыстары – молибден элементі түзетін химиялық қосылыстар. Молибден қосылыстары 2, 3, 4, 5 және 6 валентті. Молибденнің оттекті қосылыстары МоО₂, МоО₃. Бұлардың маңыздысы молибден (ІІІ) оксиді МоО₃ – ақ, жасылша реңді кристалл, балқу температурасы 795ӘC, қайнау температурасы 1155ӘC, суда нашар ериді. Сілті, NH₃ (сулы ерітіндісінде) және концентрлі анорганикалық қышқылдармен әрекеттеседі. Оны MoS₂ немесе молибденді 500ӘC-тан жоғары температурада қыздыру, аммоний молибдатын – 3(NH₄)₂*7MoO₃*4H₂O терм. ыдырату арқылы алады. Ол глазурь мен эмаль құраушысы, петролейн эфирі мен синтететикалық отын өндірісінде катализатор ретінде қолданылады. Молибден металл еместермен MoF₆, MoOF₄, MoS₂, MoS₃, МоCl₅, Мо₂В, т.б. қосылыстарын түзеді. Молибден дисульфиді MoS₂ – сұр кристалл, 1300ӘC-тан жоғары температурада терм. диссоциацияланады. Су, тұз, сұйытылған күкірт қышқылдарында ерімейді. Оны молибден және молибден (ІІІ) оксидіне 600 – 800ӘС-та S₂ немесе Н₂S буымен әсер ету арқылы алады. Молибден (ІІІ) сульфиді MoS₃ – қара-қоңыр аморфты зат, су, сұйытылған тұз және күкірт қышқылдарында ерімейді, сілті ерітінділерінде ериді. Молибден тұздарының әлсіз қышқылды ерітінділерінен күкіртсутекпен- тұндыру, (NH₄)₂MoS₄-ті терм. ыдырату арқылы алады. Органикалық синтезде катализатор, мұнайды сутектеуде, т.б. қолданылады. Молибден қышқылы H₂MoО₄ кристалл, ыдырау t>115ӘС, суда нашар ериді, натрий молибдатының ерітіндісін минералды қышқылдармен тұндыру арқылы алады. Молибденді концентраттарды өңдеуде аралық өнім ретінде қолданылады.