Мохаммед Салах

Уикипедия — ашық энциклопедиясынан алынған мәлімет
Навигацияға өту Іздеуге өту
Мохаммед Салах Футбол
Mohamed Salah 2018.jpg
Жалпы мағлұмат
Толық аты

Мохаммед Салах Хамед Мехрез Гали[1]

Лақап аттары

Перғауын[2], Мысыр королі

Туған күні

15 маусым 1992 (1992-06-15) (30 жас)

Туған жері

Гарбия, Мысыр

Азаматтығы

Мысыр Мысыр

Бойы

175 см[3]

Салмағы

73 кг[4]

Позиция

шабуылшы

Клуб жайлы ақпарат
Клуб

Англия Ливерпуль

Номері

11

Жастар клубы
2002—2010 Мысыр Эраб Контракторс
Клуб карьерасы[* 1]
2010—2012 Мысыр Эраб Контракторс
2012—2014 Швейцария Базель 47 (9)
2014—2016 Англия Челси 13 (2)
2015   Италия Фиорентина 16 (6)
2015—2016   Италия Рома 34 (14)
2016—2017 Италия Рома 31 (15)
2017— Англия Ливерпуль 174 (115)
Ұлттық құрамы[* 2]
2010—2011 Мысыр Мысыр-21 11 (3)
2011—2012 Мысыр Мысыр-23 11 (4)
2011—  Мысыр 84 (47)
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

Мохаммед Салах Хамед Гали (араб.: محمد صلاح‎‎‎; 1992 жылы 15 маусымда туған, Нагриг, Басьюн, Мысыр) — мысырлық футболшы, «Ливерпуль» клубы мен Мысыр құрамасының шабуылшысы. Әлемдегі ең үздік ойыншылардың бірі болып саналады. Ағылшын Премьер-Лигасының «Алтын бутсысының» екі дүркін иегері.

Ол кәсіпқой мансабын мысырлық «Мокавлун» клубында бастады, біраз уақыттан кейін швейцариялық «Базельге» ауысты. 2014 жылы футболшының келісімшартын ағылшындық «Челси» сатып алды. Бұл команданың құрамында ол негізгі ойыншы ретінде орныға алмады, сондықтан ол жалға итальяндық «Фиорентина» және «Рома» клубтарында ойнады. Салах кейіннен «Ромаға» тұрақты түрде көшті, ал 2017 жылы ол «Ливерпульмен» келісім-шартқа отыру арқылы Ағылшын Премьер-Лигасына оралды. Қайтып келгеннен кейінгі бірінші маусымында ол бірнеше өнімділік рекордтарын жаңартып, Премьер-Лиганың үздік бомбардирі атанды. Ол ПФА футболшылары бойынша жылдың үздік ойыншысы атанды, сонымен қатар ПФА нұсқасы бойынша жылдың символдық командасының бір бөлігі болды. Келесі маусымда Мұхаммед қайтадан Премьер-лигада үздік бомбардир атанды және Ливерпульге Чемпиондар лигасын жеңіп алуға көмектесті. «Қызылдар» сапындағы үшінші маусымында Салах Англия чемпионы атанды.

2011 жылдан бастап ол Мысырдың негізгі құрамасының да мүшесі. 2012 жылғы Жазғы Олимпиада ойындарына қатысқаннан кейін ол АФК нұсқасы бойынша Африкадағы жылдың ең перспективті таланты деп танылды. Содан бері Салах 2017 және 2021 жылдардағы Африка ұлттар кубогының финалына, сондай-ақ 2018 жылғы әлем чемпионатына шықты. Мохаммед 2017 және 2018 жылдары АФК нұсқасы бойынша африкалық жылдың үздік футболшысы атанды және сол жылдары Би-би-си нұсқасы бойынша жыл африкалық футболшысы атанды. Мысыр құрамасының тарихындағы екінші үздік бомбардир.

Клубтағы мансабы[өңдеу | қайнарын өңдеу]

Мукавилюн[өңдеу | қайнарын өңдеу]

Салах «Мокавлун» футбол клубының тәрбиеленушісі.2010 жылы 3 мамырда алғаш рет алаңға шығып, «Монсура» командасына қарсы ойын көрсетті.2010/11 маусымда негізгі құрамның тұрақты ойыншысы болды.2010 жылы 25 желтоқсанда алғаш голын «Әл-Ахли» командасына қарсы соқты.2012 жылы Порт-Саидегі трагедиядан кейін чемпионат тоқтатылып қалды.2012 жылы клубты тастап, щвейцариялық «Базель» клубына көшіп кетті.

Базель[өңдеу | қайнарын өңдеу]

2012 жылы 10 сәуірде ресми 4 жылдық контракка қол қойып,15 шілдеден бастап ойыншысы атанды.2012 жылы 23 маусымда алғаш матчын «Стяуа» клубына қарсы өткізіп,сол матчта алғашқы голын соқты. Ресми матчы УЕФА Чемпиондар Лигасында «Мольде» командасына қарсы өткізді.Швейцариялық чемпионатта алғаш матчын тек 12 тамызда «Туна» клубына қарсы өткізіп,барлық голдарға қатысып,3:1 есебімен жеңіске жетті.18 тамызда чемпионаттағы алғаш голын «Лозанна» клубына қарсы соқты.

Челси[өңдеу | қайнарын өңдеу]

2014 жылы 26 қаңтарда лондондық «Челсиға» көшіп,5.5 жылдық контракқа қол қойды.Алғашқы голын «Арсеналға» қарсы 22 наурызда соқты.Қазір 17 нөмерді алды.

Фиорентина[өңдеу | қайнарын өңдеу]

2015 жылы 2 ақпанда қысқы ауысымдар жабылуға бір тәулік қалғанда Салах Италияның "Фиорентинасына" жалға берілді. 8 ақпан күні "Аталантаға" қарсы ойында дебют ойынын өткізді. Бір аптадан соң алғашқы голын "Сассуоло" қақпасына енгізді. 5 наурыз күні "Ювентуске" қарсы өткен кубок ойындарында дубль жасады.

Рома[өңдеу | қайнарын өңдеу]

2015 жылы 6 тамыз күні "Ромаға" жалға берілді. Егер, жақсы ойнаса римдіктердің сатып алуға да құқы болды. Бұл жолы да алғашқы шголын "Сассуоло" қақпасына соқты (22 қыркүйекте).

Ливерпуль[өңдеу | қайнарын өңдеу]

2017 жылы шілдеде 42 млн. еуроға "Ливерпульге" өтті. 12 тамыз күні "Уотфордқа" қарсы ойында алғашқы матчын өткізді. Алғашқы голын 23 тамызда "Хоффенхамға" қарсы өткен Чемпиондар Лигасының матчында енгізді.

2018 жылы 18 наурызда "Уодфордпен" өткен ойында покер жасады.

Ұлттық құрамадағы мансабы[өңдеу | қайнарын өңдеу]

2011 жылы 3 қыркүйекте ұлттық құрама үшін алғаш матчын Сьерра-Леоне құрамына қарсы өткізді.2011 жылы 8 қазанда Африканың ұлттық Кубогі раундында алғаш голын соқты.

2017 жылы ӘЧ-2018 іріктеуінде Конго Республикасының қақпасына екі доп соғып, құраманың жолдаманы иеленуіне ерекше үлес қосты.

Жетістіктері[өңдеу | қайнарын өңдеу]

Командалық[өңдеу | қайнарын өңдеу]

Швейцария Базель

Англия Ливерпуль

Мысыр Мысыр

Жеке[өңдеу | қайнарын өңдеу]

  • АФК бойынша Африкадағы жылдың ең перспективті таланты: 2012
  • Швейцариядағы жылдың үздік футболшысы: 2013
  • Ромадағы маусымның үздік ойыншысы: 2015/16
  • "Globe Soccer" нұсқасы бойынша жылдың үздік араб ойыншысы: 2016
  • АФК нұсқасы бойынша Африканың символикалық құрамының мүшесі (5): 2016, 2017, 2018, 2019, 2020
  • Африка ұлттары кубогының үздік ойыншыларынан құралған символикалық құрамының мүшесі: 2017
  • Англия Премьер-лигасындағы айдың үздік ойыншысы: 2017 қараша, 2018 ақпан, 2018 наурыз, 2021 қазан
  • ПФА-ның нұсқасы бойынша айдың үздік ойыншысы: 2017 қараша, 2017 желтоқсан, 2018 ақпан, 2018 наурыз, 2018 желтоқсан, 2019 қаңтар, 2019 сәуір
  • Би-би-си нұсқасы бойынша үздік Африкандық футболшы (2): 2017. 2018
  • Үздік Африкандық футболшы (2): 2017, 2018
  • ПФА-ның нұсқасы бойынша жыл ойыншысы: 2018

Дереккөздер[өңдеу | қайнарын өңдеу]

  1. FIFA Club World Cup Qatar 2019: List of Players: Liverpool  (ағыл.) 7. FIFA (21 December 2019). Басты дереккөзінен мұрағатталған 5 желтоқсан 2019.(қолжетпейтін сілтеме)
  2. Pharaoh Salah aims to fire up Reds too  (ағыл.). The Straits Times (17 October 2017).
  3. 2018 FIFA World Cup Russia: List of players: Egypt  (ағыл.) (PDF) 9. FIFA (17 June 2018). Басты дереккөзінен мұрағатталған 19 маусым 2018.(қолжетпейтін сілтеме)
  4. Mohamed Salah  (ағыл.). Eurosport. Тексерілді, 2 наурыз 2021.

Сілтемелер[өңдеу | қайнарын өңдеу]