Мұхаметқали Жексембекұлы Табанов

Мұхаметқали Жексембекұлы Табанов
Жалпы мағлұмат
Туған күні	15 мамыр 1907 (1907-05-15)
Туған жері	Ақсу ауданы Алматы облысы, Ресей империясы
Қайтыс болған күні	5 тамыз 1986 (1986-08-05) (79 жас)
Қайтыс болған жері	Тараз, Қазақ КСР
Азаматтығы	КСРО Ресей империясы (1907-1922)
Мамандығы	актер
Белсенді жылдары	1968-1978

Мұхаметқали Жексембекұлы Табанов (1907, Талдықорған облысы – 1987, Тараз) – Жамбыл облысы театрын алғаш ұйымдастырушылардың бірі.

Өмірбаяны

1928 - 30 ж. бұрынғы Жамбылдағы (казіргі Луговойдағы) малдәрігерлік техникумында оқыды.

1934 - 37 ж. Қазақ академиялық драма театрында актер болды.

1936 ж. Мәскеу қаласында откен қазақ әдебиеті мен өнерінің онкүндігіне қатысты.

1937 жылы Алматыдағы академиялық қазақ драма театрының шыңдалу мектебінен өтті.

1937 жылдан өмірінің соңына дейін Жамбыл облысы драма театрында қызмет етті.

1966 және 1976 ж. Жамбыл облыстық драма театрының труппасымен Алматы қ-нда өнер көрсетті.

Марапаттары

1944 жылы Қазақ КСР-і Жоғарғы Кеңесінің Құрмет грамотасымен, 1945 жылы «Еңбекте үздік шыққаны үшін» медалімен марапатталды.

1961 жылы Қазақ КСР-інің еңбек сіңірген артисі атағына ие болды.

Рөлдері

Ол, М.Әуезовтің «Еңлік-Кебегінде» Кеңгірбайды, Ғ.Мүсіреповтің «Қозы Көрпеш – Баян сұлуындағы» Жантықты, «Ақан сері – Ақтоқтыдағы» Қоңқайды, Гольдонидің «Екі мырзаға бір қызметшісінде» қызметкерді өзгеге ұқсамайтын мәнермен ойнады.

Табанов комедиялық жанрлардағы образдарды сомдаудың асқан шебері. Оның сахнадағы күлкісі мен іс-әрекетінің табиғилығы, көрермендермен «тіл» табыса білуі актерлік табысы болатын. Ол өзіне берілген рөлдердің сыр-сымбатын аса терең түсіне білетін сезімталдығымен көзге түсті.

Ойнаған рольдер тізімі: Жантық, Қоңқай (Ғ.Мүсіреповтің "Қозы Корпеш - Баян сұлу" мен "Ақан сері - Ақтоқтысында"), Жарас (Әуезовтің "Айман - Шолпанында"), Қожантай (С.Мүқановтың "Ботагөзі" бойынпіа), Сабатай, Әлен (Ш.Құсайыновтың "Кеше мен бүгін" және "Тоты-Тәмилласында"), Михеев (М.А. Шолоховтың "Тынық Доны" бойынша), т.б.

1969 ж. "Қараш-Қараш" фильміне қатысып, Қайранбай ролінде ойнады.