Мәліш қой

Мәліш қой - Қырымда дамыған қой тұқымы. Көптеген авторлардың айтуы бойынша, олардың шығу тегі қаракөл қойларына жақын. Мәліш қойларын далалық және таулық деп бөледі. Ондағы айырмашылығы далалық қойлар біршама ірі. Далалық қой саулыктары 46-48 кг болса, тау саулықтарынікі -32-40 кг, ал қошқарлары жоғарғыға сәйкес 56-64 кг және 46-48 кг. Қозыларынан алынатын елтірі әдемі келген, дегенмен әдемілігі және сапасы жағынан қаракөл қойларынікінен төмен. Мәліш қойларының еті өте дәмді, әсіресе марқа қозыларынікі. Қырым, Евпатория және Феодосия аудандарында бұл тұқым қаракөл қойымен будандастырылған.