Мәсенов Төлеген

Мәсенов Төлеген ^[1] (14.11. 1917, қазіргі Қарағанды облысы Нұра ауданы — 5.12.2002, Алматы) — ғалым, морфолог-гистолог, биология ғылымының докторы (1967), профессор (1968), Қазақстан ҰА-ның коррдинатор мүшесі (1983), Қазақстанның еңбек сіңірген ғылым қайраткері (1974). Қазақ мемлекеттік университетін бітірген (1939). 1945 — 1947 ж. Ақмола облысы халық ағарту бөлімінде жұмыс істеді. 1947 — 2002 ж. ҚазҰУ-де және Экспериментті биология ғылыми-зерттеу институтында ғылыми-педагогикалық жұмыстармен айналысты. Негізгі ғылыми еңбектері жануарлардың эволюциялық морфологиясына арналған. Ол жануарлар органдар мен органдары жүйелерінің дамуындағы заңдылықтар, тіндер мен клеткалар құрылымындағы түраралық ерекшеліктер, тұқымаралық және алыстекті будандастыру кезінде пайда болған биологиялық қасиеттер мен сапасы жағынан өнімді түрлердің тұқым қуалау дәрежесіне тәуелді екенін дәлелдеді. Қазан төңкерісі, 1- және 2-дәрежелі Отан соғысы ордендерімен және медальдармен марапатталған.