Неймар

Неймар Жуниор
Жалпы мағлұмат
Толық аты	Неймар да Силва Сантос Жуниор
Лақап аттары	Жаңа Робиньо, Ней балақай, Ней Марадона
Туған күні	5 ақпан 1992 (1992-02-05) (31 жас)
Туған жері	Можи-дас-Крузис
Азаматтығы	Бразилия
Бойы	174 см
Салмағы	64 кг
Позиция	шабуылшы, вингер, жартылай қорғаушы
Клуб жайлы ақпарат
Клуб	Пари Сен-Жермен
Номері	10
Жастар клубы 1999—2009 Сантос Клуб карьерасы 2009—2013 Сантос 177 (103) 2013—2017 Барселона 123 (68) 2017— Пари Сен-Жермен 91 (68) Ұлттық құрамы 2009 Бразилия-17 3 (1) 2011—2012 Бразилия-20 7 (9) 2012—2016 Бразилия (олимп.) 14 (8) 2010— Бразилия 117 (71)

Неймар да Силва Сантос Жуниор (порт. Neymar da Silva Santos Júnior) немесе қысқаша Неймар (5 ақпан 1992, Можи-дас-Крузис) — бразилиялық футболшы, Бразилия құрамасы мен "Пари-Сен Жермен" клубының шабуылшысы.

Мансап

Клубтық

2008 жылы "Сантоспен" тұңғыш кәсіби келісім шартын жасасты. Жас талантты қатарына қосып алушы командалар көбейген соң нарқын тым жоғары бағалап қойды да, балаң футболшыны алуға ешкімнің зауқы соқпады.

2009 жылы 7 наурызда клубтағы тұңғыш ойынын өткізді. 2010 жылы алғашқы жүлдесіне қол жеткізіп, Сан-Паулу штатының чемпионы атанды. 2010 жылы қыркүйекте клуб бапкері Доривал Жуниорды пенальти тепкізбегені үшін сынға алды, онысы үшін ақшалай айыппұл салынды. Осы кикілжіңнің себебімен бапкер бір айдан соң қызметтен кетті. Маусым соңында Либертадорес кубогының иегері атанды.

2012 жылы 6 ақпанда клуб сапындағы 100-ші голын соқты. Жыл соңында 42 голмен Бразилия чемпионатының үздік мергені атанды. 2013 жылы 26 мамырда клуб сапындағы соңғы ойынын "Фламенгоға" қарсы өткізді. Бұл ойында есеп ашылмады.

2013 жылы мамыр айының соңғы күндерінде 57 млн еуроға "Сантостан" "Барселонаға" ауысты. 3 маусымда Неймарды таныстыру рәсімі өтті. Оған 56 мың көрермен жиналды.

"Барселона" сапындағы тұңғыш ресми ойынын 18 қыркүйек күні "Левантеге" қарсы өткізді. 24 қыркүйекте Испания чемпионатындағы тұңғыш голын "Реал Сосьедад" қақпасына соқты. 26 қазанда тұңғыш рет "Эль Класикода" ойнап, бір гол соқты. Бұл ойында "Барселона" 2:1 есебімен жеңіске жетті. Жалпы 2013/14 жылғы маусымда 15 гол соқты.

2014/15 жылғы маусымда барлығы 39 гол соқты, УЕФА Чемпиондар лигасының жеңімпазы атанды, Испания кубогы мен чемпионатында топ жарды.

"Барселона" сапында барлығы 176 ойын өткізіп, 105 голдың авторы атанды, 59 нәтижелі пас шығарды.

2017 жылы 3 тамызда 220 млн еуроға "Пари Сен-Жерменге" ауысты. Жаңа клубы сапындағы тұңғыш ойынын 13 тамызда "Генгамға" қарсы өткізді. 2017/18 жылғы маусымда Франция чемпионатында 20 кездесу өткізіп, 19 гол соқты да, Франция чемпионы атанды.

Ұлттық құрама

Ұлттық құрама сапындағы тұңғыш ойынын 2010 жылы 10 тамызда өткізді.

2013 жылғы Конфедерациялар кубогында барлық ойында гол соғып, турнирдің үздік ойыншысы әрі жеңімпазы атанды.

2014 жылғы әлем чемпионатында 4 гол соқты, ширек финалдағы Колумбиямен ойында ауыр жарақат алып, қалған ойындарға қатыса алмады.

2016 жылы Олимпиада чемпионы атанды.

2018 жылғы әлем чемпионатында екі гол соқты.

2019 жылы 10 қазанда Сенегал құрамасына қарсы матчта құрама сапындағы 100-ші кездесуін өткізді.

Жетістіктері

Клубтық

Сантос

• Сан-Паулу штатының жеңімпазы (3): 2010, 2011, 2012
• Бразилия кубогының иегері: 2010:
• Либертадорес кубогының иегері: 2011
• Оңтүстік Америка Суперкубогының иегері: 2012

Барселона

• Испания чемпионы (2): 2014/15, 2015/16
• УЕФА Чемпиондар Лигасы: 2014/15
• Клубтар арасындағы әлем біріншілігі: 2015
• УЕФА Суперкубогы: 2015
• Испания кубогы (3): 2014/15, 2015/16, 2016/17
• Испания суперкубогы: 2013

Пари Сен-Жермен

• Франция чемпионы (3): 2016/18, 2018/19, 2019/20
• Франция суперкубогы (2): 2018, 2020
• Франция кубогы (3): 2017/18, 2019/20, 2020/21
• Франция лигасының кубогы: 2017/18
• УЕФА Чемпиондар Лигасының финалисті: 2019/20

Бразилия

• Олимпиада чемпионы: 2016
• Конфедерациялар кубогы: 2013
• Америка кубогының финалисті: 2021

Жеке

• Бразилия күміс добының иегері: 2010
• Бразилия кубогының үздік шабуылшысы: 2010 (11 гол)
• Артур Фриденрайх сыйлығының иегері: 2010
• Оңтүстік Америка жастар командалары арасындағы чемптонаттың үздік шабуылшысы: 2011 (9 гол)
• Оңтүстік Америка жастар командалары арасындағы чемптонаттың үздік ойыншысы : 2011
• Либертадорес кубогының үздік ойыншысы : 2011
• Бразилияның жыл ойыншысы: 2011
• Оңтүстік Америка жыл ойыншысы: 2011, 2012
• Клубтық әлем чемпионатының қола жүлдегері: 2011
• Пушкаш сыйлығының иегері: 2011
• Либертадорес кубогының иегері: 2012
• Бразилия маусымының үздік шабуылшысы: 2012 (42 гол)

Рекордтары

• УЕФА Чемпиондар лигасының тарихындағы екі ширек финалда да, екі жартылай финалда да, турнир финалында да гол соққан алғашқы ойыншы (2014/15)
• УЕФА Чемпиондар лигасының тарихындағы бір жарыста төрт матчта бір қарсыласқа гол соққан алғашқы ойыншы (2014/15)
• Футбол тарихындағы Либертадорес кубогында және УЕФА Чемпиондар лигасында хет-трик жасаған алғашқы ойыншы (2013/14)
• УЕФА Чемпиондар лигасы тарихындағы Барселонаның ең жылдам хет-трикін жасады
• Олимпиада ойындары тарихындағы ең жылдам голдың авторы

Сілтемелер

• Ресми сайт  (порт.)
• «Сантос» ФК ресми сайтындағы профилі Мұрағатталған 4 желтоқсанның 2012 жылы.  (порт.)
• СамбаФуттегі профилі Мұрағатталған 3 маусымның 2009 жылы.  (порт.)
• tuttomercatoweb.com тегі мақала  (итал.)