Нұрсұлтан Амангелдіұлы Құрманов
| Нұрсұлтан Құрман | |
| Нұрсұлтан Амангелдіұлы Құрманов | |
| Туған күні | |
|---|---|
| Туған жері | |
| Азаматтығы | |
| Ұлты | |
| Қызметі |
Қазақстан футзал қауымдастығының президенті (2025 жылдан бастап) |
| Сайты | |
Нұрсұлтан Амангелдіұлы Құрманов, Нұрсұлтан Құрман (11 тамыз 1989 жыл, Отырар ауданы, Түркістан облысы) — журналист, тележүргізуші, спорт менеджері. Қазақстан футзал қауымдастығының президенті (2025).
Өмірбаяны
[өңдеу | дереккөзін өңдеу]Қызмет жолы
[өңдеу | дереккөзін өңдеу]Әл-Фараби атындағы Қазақ ұлттық университетінің саясаттану және философия факультетін "Саясаттану" мамандығы бойынша бітірген.
Журналистика
[өңдеу | дереккөзін өңдеу]2-курста «31-арнаға» жұмысқа шақырылып, сол жерде верстка мен кодтаудың (эфирлік материалдарды техникалық әзірлеудің) базалық дағдыларын тәжірибе жүзінде үйренді.
25 жасында "Жеті күн" апталық сараптама-талдау бағдарламасында жүргізуші, Хабар арнасындағы жаңалықтар жүргізушісі болды. Қазақстан теле-арналарындағы ең әдемі тележүргізушілер қатарында аталды[1].
Мемлекет басшысымен бір топ журналистерге Ақордада берген сұхбатқа қатысты[2].
Студенттік шақта КВН-нің «Сенсация» командасымен Сочиге барған; Қырғызстандағы Ыстықкөлге сапар жасаған[3].
2025 жылы «Хабар» телеарнасындағы «Азамат» жастар телебағдарламасының жүргізушісі[4].
Спорт
[өңдеу | дереккөзін өңдеу]2023 жылдан бастап Қазақстан футзал қауымдастығының вице-президенті [5]. 2024 жылғы 17 қазан күні футзал қауымдастығындағы жұмысын аяқтады[6].
2025 жылдың басында Қазақстан футбол федерациясының президент кеңесшісі болды[7][8]. Мамыр айында Федерацияның атқару комитетіне мүше болды[9].
2025 жылдың 7 сәуірінен бастап Қазақстан футзал қауымдастығының президенті[10].
Черчесов дауы
[өңдеу | дереккөзін өңдеу]2024 жылғы 28 маусымдағы баспасөз мәслихатында Қазақстан құрамасының бас бапкері Станислав Черчесов пен журналист Нұрсұлтан Құрман арасында даулы диалог болды. Бапкерге сұрақтың қазақ тілінде қойылғаны ұнамай, ол жауап ретінде: «Саған осетин тілінде жауап берсем бола ма?» — деді. Диалог мазмұны[11][12]:
Черчесов: Я извиняюсь, вы откуда?
Журналист: Я из Казахстана.
Черчесов: Почему ты так ко мне обращаешься? По-осетински можно тебе отвечать?
Журналист: Давайте, отвечайте.
Черчесов: Но ведь никто не поймет.
Сол күні-ақ Қазақстан футбол федерациясының (ҚФФ) президенті Адлет Барменкулов қақтығыстың ушығуына жол берілмейтінін айтып, «Қазақтың қонақжайлығы кез келген перипетиядан жоғары» деп атап өтті. Кешкісін ҚФФ бас бапкердің қазақ тілін үйренуді бастағанын хабарлады. Нұрсұлтан Құрманның Пікірі:
Мен қатты таңғалдым. Себебі Станислав Саламовичтің тағайындалғаны туралы жаңалық шыққанда, мен оны қолдағандардың бірі болдым. Бұл жақсы шешім және ресейлік маман Қазақстан құрамасына көмектеседі деп ойладым.
Содан кейін алғашқы баспасөз конференциясы өтті. Модератор әдеттегідей барлығын қазақ тілінде қарсы алды, кейін сөз Қазақстан Футбол Федерациясының президенті Барменқұловқа берілді, ол да ана тілінде сөйледі. Содан кейін бізден сұрақ қоюды сұрады — қазақ және орыс тілді журналистер көп болды. Барлығы Черчесовқа өздеріне ыңғайлы тілде сұрақ қойды — екі тілде де сұрақтар айтылды. Саламович кей жерлерде әзілдеді, бірақ кейбір сәттерде оның әзілдері сәтсіз болды, бұл оған ұнамады.
Мен өз сұрағымды қазақ тілінде қоюды шештім — ұлттық құрамамыздың баспасөз конференцияларында әрдайым осылай істегенмін. Черчесовқа дейін Мусаевич (Адиев) бұған жақсы қарады: оған аударып берді, ол барлық сұрақтарға жауап берді. Мен Станислав Саламовичке алғашқы екі сұрақты қойдым, оларды аударып беруін сұрадым, ол оларға жайбарақат жауап берді.
Үшінші сұрақта ол мені тоқтатты: «Сен кімсің және қайдансың?» «Қазақстаннанмын» — деп жауап бердім. «Жақсы, егер мен осетин тілінде жауап берсем ше?» — деген сұрақ қойды Черчесов. «Жауап бере беріңіз, кейін өзіміз аударып аламыз»...
Содан кейін ресейлік бапкер ештеңе түсінбейтінін айтып, сұрақтарды тек орыс тілінде қоюды талап етті. Бізде мұндай бұрын-соңды болмаған! Тіпті Магомед Мусаевич (Адиев) және оған дейінгі барлық бапкерлер қазақ тіліндегі сұрақтарды тыңдаған — аударма үшін әрқашан модератор болады. Ал Черчесов өзіне ыңғайлы орыс тілінде жауап берді ғой. Мен одан қазақша жауап беруін сұраған жоқпын, солай емес пе? Тіпті оның сөздерін аударуды да сұраған жоқпын! Өзіне қалай ыңғайлы болса, солай жауап берсін.
Оның Қазақстанда сұрақтарды өзіне ыңғайлы тілде қоюды талап етуінің себебін түсінбедім. Біздің мемлекеттік тіліміз — қазақ тілі, және біз дәстүрлі түрде сұрақтарды осы тілде қоямыз. Бірақ Саламовичпен болған жағдай — бірінші рет. Иә, мұны сәтсіз әзіл деп түсіндіруге болады, бірақ бұл әзілге мүлдем қатысы жоқ. Біз, қазақтар, қалай дұрыс әзілдеуді білеміз. Черчесов та әртүрлі әзілдерді байқап көрді, бірақ олар сәтсіз шықты. Шынын айтсам, оның қолынан әзіл мүлде келмеді. Станислав Саламович баспасөз конференциясы үшін дұрыс емес тәсілді таңдады.
Баспасөз конференциясынан кейін оған сәттілік тіледім, бірақ бізде мұндай қабылданбайтынын айттым: «Сұрақты тыңдаңыз, аударманы күтіңіз және өз тіліңізде жауап беріңіз». Черчесов лифтке кіріп, кетіп қалды. Өз тарапымнан ҚФФ-дан ресейлікке Қазақстанның өз дәстүрлері мен тілі бар егемен мемлекет екенін жеткізуді сұрадым. Бұған толерантты болу керек. Егер ертең Қазақстан құрамасы шетелдік құрамамен ойнаса, Черчесов та сұрақтарды орыс тілінде қоюды сұрай ма? Оны әртүрлі БАҚ өкілдері келетін әртүрлі ойындар күтіп тұр. Шамасы, басқа қызметтерде Черчесовқа өзін осылай ұстауға рұқсат берген сияқты, бірақ Қазақстанда бұл жол берілмейді.
Кетпес бұрын қол алысып, сөйлестік. Ол маған түсіністікпен қарады. Тіпті қазақ тілі мұғалімімен кездесіп, оған арнайы оқулық сыйлаған. Ең бастысы, Черчесов бәрін түсінді және бұдан былай мұндай болмайды деп уәде берді.[13].
2019 жылы Черчесов Ресей құрамасының бас бапкері болған кезде, Қазақстанмен матч алдындағы баспасөз жиынында қазақ тілінде қойылған сұраққа: «Мен қазақша түсінемін», — деген болатын[14].
2024 жылдың қазан айында Словениядан жеңілгеннен кейін, баспасөз конференциясында журналист Черчесовқа қазақ тілінде сұрақ қойды. Журналист «Пари Сен-Жермен» (ПСЖ) клубының формасын киіп келген еді. Черчесов әзіл ретінде: «Сіз француз тілінде сөйлеп тұрған жоқсыз ба?» деп сұрады. Бұл жағдай қоғамда үлкен резонанс тудырды[15][16].
Марапаттары
[өңдеу | дереккөзін өңдеу]- «Дарын» мемлекеттік жастар сыйлығы[17]. «Журналистика» номинациясы
Тағы қараңыз
[өңдеу | дереккөзін өңдеу]Дереккөздер
[өңдеу | дереккөзін өңдеу]- ↑ 8 самых красивых казахстанских телеведущих-мужчин (фото).
- ↑ Вместе – на общее благо. (23 декабря 2014 года).
- ↑ Нұрсұлтан Құрман. Саясаттанушыдан журналистке дейін немесе Нұрсұлтанмен болған кездесу.
- ↑ Теледебаты «Азамат» возвращаются в эфир в новом формате.
- ↑ Нұрсұлтан Құрман – Қазақстан футзал қауымдастығының вице-президенті
- ↑ Нұрсұлтан Құрманов ҚФҚ кетті.
- ↑ НҰРСҰЛТАН ҚҰРМАН – ҚАЗАҚСТАН ФУТБОЛ ФЕДЕРАЦИЯСЫ ПРЕЗИДЕНТІНІҢ КЕҢЕСШІСІ.
- ↑ Журналист Нұрсұлтан Құрман жаңа қызметке тағайындалды.
- ↑ Ассоциацию футзала Казахстана возглавил Нурсултан Курман.
- ↑ Нурсултан Амангелдиевич Курман.
- ↑ Черчесову не понравилось, что журналист задал ему вопрос на казахском.
- ↑ "Перевод не нужен". Черчесов отшутился после вопроса на казахском.
- ↑ Журналист Нурсултан Курман в беседе со Sport24.ru рассказал о конфликте с новым главным тренером сборной Казахстана Станиславом Черчесовым..
- ↑ "Перевод не нужен". Как Черчесов удивил казахстанских журналистов.
- ↑ Главные скандалы с участием Черчесова.
- ↑ Черчесов снова вызвал скандал ответом на вопрос на казахском языке.
- ↑ Қазақстан Республикасы Үкіметінің 2016 жылғы «08» желтоқсандағы № 783 қаулысы. Тексерілді, 4 тамыз 2023.