Оразәлі Кәкімұлы Жандосов

Жандосов Оразәлі
Туған күні	1904 жыл
Туған жері	Алматы облысы, Қарасай ауданы, Шамалған
Қайтыс болған күні	28 ақпан 1938 (1938-02-28)
Азаматтығы	КСРО
Ұлты	Қазақ
Қызметі	геолог
Әкесі	Қыйқым Жандосов
Анасы	Дәрмен

Жандосов Оразәлі Қыйқымұлы (1904, Шамалған, Қарасай ауданы, Алматы облысы — 28 ақпан 1938) — тұңғыш қазақ геологтарының бірі. Ораз Қыйқымұлының Жандосовтың інісі.

Верный қалалық ерлер гимназиясында 4 сынып оқып бітірген.

• 1924 — 1925 жылы Мәскеудегі жоғарғы кооперативтік курстарда оқыған.
• 1933 жылы Мәскеу геология барлау институтын бітірді.
• 1923 — 1924 жылы Алматы уездік Қосшы комитетінің хатшысы,
• 1925 — 1926 жылы Қазақ ауыл шаруашылық кооперациясының бөлім бастығы,
• 1926 — 1929 жылы Ақтөбе губерниясы атқару комитетінің төрағасының орынбасары, губерниялық жоспарлау басқармасының төрағасы,
• 1933 — 1934 жылы Семей қаласындағы “Қазсирекметаллбарлау” тресінде бастықтың орынбасары, бастығы болды.
• 1935 — 36 жылдары Қаскелең геологиялық барлау партиясының бастығы,
• 1936 — 1937 жылы Текелі кен басқару мекемесінің директоры қызметін атқарды.
• 1937 жылы тұтқынға алынып, арандатушы деген айып тағылып.
• 1938 жылы ату жазасына кесілген.

Оразәлі Жандосов Қазақстанда тау-кен өндірісін және түсті металл кен орындарын игеру жұмыстарын ұйымдастыруға елеулі үлес қосты. Оразәлі кейінгі Шымкент қорғасын зауытының негізгі кен орнын ашуға атсалысқан.