Орал геофизикалық экспедициясы

Орал геофизикалық экспедициясы - 1962 жылы Гурьев геофизикалық экспедициясының Орал облысында жұмыс атқарған сейсмопартиясы негізінде құрылған. Мақсаты Орал облысында геофизикалық жұмыстар жүргізу. Жүргізілген жұмыстар нәтижесінде Қарашығанақ мұнай-газ конденсат кен орны, Чинарев, Теплово-Токарев, басқа да мұнай мен газ-конденсат кенорындары ашылды. 1972 жылға дейін "Қазақстан-нефтегеофизика" тресінің, 1972 жылдан "Казнефтегазгеология" басқармасының, 1981 жылдан "Казгеофизика" бірлестігінің, 1992 жылдан "Казмунайгеофизика" тресінің "Толқын" ХК, 1996 жылдан "Геотекс" акционерлік қоғамының құрамында.