Қарашығанақ мұнай-газ конденсат кен орны

Қарашығанақ мұнай-газ конденсат кен орны
51°09′ с. е. 52°58′ ш. б.51.150° с. е. 52.967° ш. б. / 51.150; 52.967
Ел	Қазақстан
Аймақ	Батыс Қазақстан облысы
Статусы	қолданыста
Ашылған уақыты	1979 жыл
Теңгерімдік қорлары	1,35 трлн м³ газ, 1,2 млрд т мұнай млрд м³
Жылдық өнімі	139,5 млн млрд м³
Жер қойнауын пайдаланушы	Қарашығанақ Петролеум Оперейтинг Б.В.
Қарашығанақ мұнай-газ конденсат кен орны
Қарашығанақ мұнай-газ конденсат кен орны

Қарашығанақ мұнай-газ конденсат кен орны

Қарашығанақ мұнай-газ конденсат кен орны — Батыс Қазақстан облысының Бөрлі ауданы жерінде, Орал қаласынан шығысқа қарай 150 км жерде орналасқан Қазақстандағы ірі мұнай-газ кен орны. Елде өндірілетін барлық газдың 45% және мұнайдың 16% құрайды. 2017 жылы КПО 146 миллион баррель мұнай эквивалентін өндірді. 1979 жылы ашылған.

Тарихы

2001 жылы Ақсайдан Қарашығанақ кен орнына дейін созылған 28 шақырымдық теміржол желісінің құрылысы толық аяқталды. Сол жылы Қазақстан Президенті Нұрсұлтан Назарбаев Қарашығанақ кен орнына барып, жаңа электр станциясының салтанатты ашылуына қатысты.

2002 жылы конденсат экспорты тәулігіне 18 мың тоннадан асқан рекордтық деңгейге жетті. Сонымен қатар, ұзындығы 635 шақырым болатын экспорттық құбыр желісі іске қосылып, Қарашығанақ Каспий құбыр консорциумының мұнай құбырына шығу мүмкіндігіне ие болды. Осы жылы KPO техника қауіпсіздігі, еңбек қорғау және қоршаған ортаны қорғау бағыттарындағы жоғары нәтижелері үшін BG Group Pic компаниясы директорлар кеңесі төрағасының арнайы марапатын алды.

2003 жылғы 1 тамызда Қазақстан Президенті Нұрсұлтан Назарбаев жаңадан салынған өңдеу кешенінің ашылу рәсіміне қатысып, екінші фазаның өндірістік нысандарын ресми түрде іске қосты.

Жатыс сипаты

Көтерілім құрылғының биіктігі 1700 м, аумағы 16×29 км. Кен шоғыры мұнайлы, газды, конденсатты. Газконденсатты бөлігінің биіктігі 1420 м, мұнай қабатының қуаты 200 м. Биогермдік және биоморфты-детритті әктас, доломит, т. б. әр түрлі ауыспалы жыныстары өнімді деп саналады. Коллекторлары кеуекті, кеуекті-ұралы типті. Кеуектілігінің орташа шамасы мұнайда 9,4%, газконденсат бөлігінде 10,7%. Газға қаныкқан резервуарлық бөлігінің орташа өткізгіштігі 0,08 мкм², мұнайға қаныққан бөлігінікі 0,05 мкм². Газға қаныққан коллекторының орташа пайдалы қалыңдығы 200 м, қаныққан мұнайдыкі - 45,7 м. Пермьдік бөлігінің газбен қаныққан коллекторы 0,90, тас көмір бөлігінікі 0,89. Мұнайға қаныққан коэффициенті 0,92-ге тең.

Геологиялық құрылымы

Кен орының жабындысы - кун-гур ярусының ирень свитасындағы галит қабатынан тұрады. Тұз-күмбезді тектоникалық өрекеті пайда болған беткі қабатын жоғары пермьнің дара ярусының терригенді-галогенді қабаттары жапқан. Кен шоғыры шегі - 3526 м тереңдікте. Газды-мұнайлы жапсары 4950 м-де байқалған, сулы-мұнайлы жапсары 5150 м. Пермьдік бөлігіндегі газконденсаттың бастапқы орташа қысымы 53,8 МПа, тас көмірлі қабатында 56,7 МПа. Қабаттардағы температура 67-89^°С. Пермь бөлігіндегі конденсаттың орташа қысымы 486 г/м³, тас көмір қабатында 644 г/м³. Газдың дебиті тәулігіне 590 мың м³-ді көрсетті, концентта 500 мың м³, мұнайдыкі 326 м³.

Мұнай құрамы

Кен орнының мұнайлы бөлігін қасиетіне қарап оңтүстік-батыс және солтүстік-шығыс деп бөледі. Оңтүстік-батысының мұнайы ауыр (орташа тығыздық 861 кг/м³). Ондағы газдың орташа мөлшері 520 м³/м. Солтүстік-шығыс алаңындағы мұнай жеңіл (орташа тығыздық 830 кг/м³). Мұнда газдың құрам мөлшері 900 м³-ге жетеді. Конденсаттың тығыздығы 778-ден 814 кг/м³.

Конденсат құрамы

Конденсатта парафиннің мөлшері 1,8-3,0%, шайырлығы 1,0-1,7%, күкірттілігі 0,55-2,16%, меркаптандар үлесі 0,09-0,26%. 200°С-қа дейінгі температурада булануға ұшырайтын фракциялар 39-52%-і құрайды, 300°С-қа дейінгілері 60-77,5%. Конденсаттағы нафтен мөлшері 21,0-44,77% және ароматтылығы 6,2-13,6% жағдайында көміртекті метан қатары 49-68%-і құрайды. Мұнайдың тығыздылығы 8-10-нан 888 кг/м³-ге ауытқиды. Онда күкірттің мөлшері 0,54-1,98%, парафині 3,71-6,64%, асфальтендер 0,07-0,71%, 200°С-қа дейінгі температурада буланып кететін фракция мөлшері 20-43%, 300°С-қа дейінгісі 38-60%. Конденсаттағы сияқты мұнайда да метанды көмірсутектің үлесі басым.

Газдың құрамы

Қабатты газдың құрамы: метан — 70,6%, этан — 6,1%, пропан 2,9%, бутан 1,8%, пентан және т. б. ауыр көмірсутектер 8,5%, азот 0,7%, күкіртті сутек 3,5%, екі тотықты көміртек 5,6%, меркаптандар 0,07%. Мұнайдағы ерітілген газ құрамында метан 69,8%, этан 9,0%, пропан 4,2%, бутан 2,8%, пентан 1,5%, азот 0,9%, күкіртті сутек 5,0%, екі тотықты көміртек 6,1%, меркаптандар 0,03%.

Табан суының құрамы

Кен орнының табан суы өте қатты минералданған, жоғары сульфатты қабаты тұздықсулы хлоркальций типті. Құрамында сирек элементтер мөлшері жоғары. Минералдық 112-159 г/л. Негізгі кен шоғырларынан басқа Қарашығанақ мұнай-газ конденсат орындағы кунгур ярусының филиппин горизонты мен ирень свитасын жауып жатқан шөгінділерде де аз мөлшерде көмірсутек шоғырлары кездеседі. Олардың басым көпшілігі өндірістік іздестіру-барлау сатысында. Кен орнындағы газ қоры 1317,4 млрд м³-ді құрайды (1995). Мұнда бастапқы қордың 2%-ке жуығы ғана өндірілген. Кен орнында Қазақстандағы газконденсаттың 91%-і, газдың 66%-і шоғырланған.

Сілтемелер

• Геологиялық құрылым Қарашығанақ Мұнай-Газ Конденсат Кені Мұрағатталған 2 маусымның 2016 жылы.  (орыс.)