Патриот зымыраны

MIM-104 «Патриот» (ағылш. MIM-104 Patriot) — АҚШ әскері мен оның одақтастары пайдаланатын америкалық зенитті зымыран кешені. Америкалық «Рэйтеон» компаниясы шығарады.

1963-ші жылы «Патриот жүйесі» МІМ–14 «Найк Геркулес» жүйесін орташа және төмен биіктіктерде әуе қорғанысын қамтамасыз ету үшін алмастырды. Бұған қосымша «Патриот» баллистикалық зымырандарды ұстайтын платформа рөлін атқарады.Кешеннің қазіргі таңдағы басты міндеті деп соны айтамыз. 1980-ші жылдың қазанында кешенді жасау туралы келісімшартқа қол қойылды. Ал 1981-ші жылдың желтоқсанында зымыран жауынгерлердің қолына тиді. «Патриот» зымыран кешені әуе шабуылы зымыраны мен жоғарғы өнімді радар жүйесінен құралды. «Патриот» Алабама штатындағы Хантсвилл қаласында «Редстоун» арсеналында дайындалды. Бұл арсенал оған дейін «Сейфград» баллистикалық зымыран жүйесі мен «Спартан» және «Спринт» зымырандарын жасаған болатын. Қазіргі кезде басқа елдерге жетілдірген «Патриот» РАС–3 жүйесі экспортқа шығарылады. «Патриот» кешенінің зымыраны мен жерге жақын құрылғысын тексеру 1970-ші жылдардың соңына дейін жалғасты. 1980-ші жылдың қазанында «МІМ–104А Патриот» зымыранын шығаруға бірінші рет келісімшарт жасалды. Жауынгерлік сынақ 1981-ші жылы басталды. 1984-ші жылы «Патриот» оперативті дайындық сатысына жетіп, АҚШ армиясының бірінші бөлімінің әскери қаруы қатарына қосылды .