Петерстің еттұмсықты иті
| Петерстің еттұмсықты иті | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Амандық күйі | ||||||||||||||
| Ғылыми топтастыруы | ||||||||||||||
| ||||||||||||||
| Екі-есімді атауы | ||||||||||||||
| Rhynchocyon petersi (Бокаже, 1880) | ||||||||||||||
 |
Петерстің еттұмсықты иті немесе қызғылт иықты еттұмсықты ит — Африкада мекендейтін секіргіштер тобына жататын сүтқоректі. Атауы неміс зоологы Вильгельм Петерстің (1815—1883) құрметіне берілген.
Сипаттамасы[өңдеу | қайнарын өңдеу]
Денесінің ұзындығы 22 см-ден 30 см-ге дейін болады, құйрығының ұзындығы 25 см-ге жуық, жалпы салмағы — 500 г.
Өзіне тән белгілері[өңдеу | қайнарын өңдеу]
Бетінің ұшы еттұмсыққа ұқсас, басы, иығы және іші қызғылт түсті, қалған дене бөлігі қара түске боялған. Аяқтары ұзын және жіңішке, алайда артқы аяғы алдыңғыдан ұзын болып келеді. Құлақ қалқанының кіші болғанына қарамастан, есту қабілеті жақсы дамыған.
Өмір салты[өңдеу | қайнарын өңдеу]
Барлық еттұмсықты иттер секілді бұл жануарлар тек құрлықта өмір сүреді. Күндіз белсенді болады, ал түн жақындағанда органикалық материалдардан кішкентай шұңқырларға ұя салады. Бұл жануарлар ұзақ уақыт бойы жұптасып өмір сүреді және территориалды болады. Олар омыртқасыздарды (жәндіктер мен молюскілер), кейде кіші көлемдегі омыртқалыларды қорек етеді.
Көбеюі[өңдеу | қайнарын өңдеу]
Ұрғашысы өмір бойы біреу немесе екеу туады, олар 2 аптадан соң өз інін тастап, аналығынан алыстай бастайды. Шамамен 4-5 жылға өмір сүреді.
Таралуы[өңдеу | қайнарын өңдеу]
Бұл түр Кенияның оңтүстік-шығысы мен Танзанияның солтүстік-шығысында және жақын маңдағы аралдарда таралған.
Табиғи мекен ету ортасы — ормандар, оның ішінде жағалауға жақын ормандар мен дөңді аймақтар.