Петр Данилович Дутов
| Петр Данилович Дутов | |||
 | |||
| Туған күні | |||
|---|---|---|---|
| Туған жері | |||
| Қайтыс болған күні | |||
| Қайтыс болған жері |
Дубосеково, Волоколам ауданы, Мәскеу облысы, РКФСР | ||
| Мемлекет | |||
| Әскер түрі | |||
| Қызмет еткен жылдары | |||
| Атағы | |||
| Әскери бөлімі | |||
| Шайқасы | |||
| Марапаттары |
| ||
Петр Данилович Дутов (6 тамыз 1916, Алматы облысы, Кербұлақ ауданы, Шаған ауылы - 16 қараша 1941, Ресей, Мәскеу облысы, Волоколам ауданы, Дубосеково темір жол айырмасы) — 2-дүниежүзілік соғысқа қатысушы, қатардағы жауынгер.
Өмірбаяны[өңдеу | қайнарын өңдеу]
Дутов соғысқа дейін eгic бригадасында есепші болып жұмыс істеген. 1937 жылы Кеңес әскері қатарына шақырылып, Қиыр Шығыста әскери борышын өтеді. 1939 жылы әскер қатарынан босап, туған ауылына оралды.
Ұлы Отан соғысының алғашқы күндері Дутов үш аға-інісімен бірге майданға аттанды. 1075- атқыштар полкінің (Батыс майдан, 16-армия, 316-атқыштар дивизиясы) қатардағы жауынгері Дутов 1941 жылы 16 қарашада Мәскеу облысы Волоколам ауданы Дубосеково темір жол айырмасында танкіге қарсы шайқасатын топтың құрамында (саяси жетекші В.Г.Клочков бастаған) жаудың бірнеше шабуылына тойтарыс беруге және 18 танкісін жоюға қатысты. Осы шайқаста Дутов ерлікпен қаза тапты. Волоколам ауданының Нелидово деревнясындағы бауырластар зиратына жерленді. Бұл ерлік 28 батыр-панфиловшылар ерлігі деген атпен тарихқа енді.
Естелік пен марапаттары[өңдеу | қайнарын өңдеу]
КСРО Жоғарғы Кеңесі Төралқасының Жарлығымен Дутовқа Кеңес Одағының Батыры атағы, Ленин ордені және «Алтын Жұлдыз» медалі берілді (21.7.1942)[1].
Олардың құрметіне Мәскеу қаласының Северное Тушино ауданындағы бір көшеге Батыр-панфиловшылар есімі беріліп, онда мемориал тақта орнатылған. 1975 жылы Дубосековода мемориал, Нелидово деревнясында (Дубосеково темір жол айырмасынан 1,5 шақырым жерде) батыр-панфиловшыларға ескерткіш орнатылып, мұражай ашылды. Алматы қаласында 28 гвардияшы-панфиловшылар атындағы саябақ және монумент қойылған. Туған ауылында көшеге және мектепке есімі беріліп, мектеп ауласында Дутовқа бюст орнатылған.[2]
Дереккөздер[өңдеу | қайнарын өңдеу]
- ↑ Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 21 июля 1942 года // Ведомости Верховного Совета Союза Советских Социалистических Республик : газета. — 1942. — 23 июля (№ 28 (187)). — С. 1.
- ↑ А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |