Питеовтар

Питеовтар— француз актерлері, театр қайраткерлері.

Тұлғалар

• П. Жорж (4. 9. 1884, Тбилиси,—17. 9. 1939, Женева)—режиссер, актер. 1905 жылдан Парижде заң факультетінде оқумен қатар әуесқойлардың театр сауығына да қатысады. Ресейге қайтып оралғаннан кейін, Петербургтегі В. Ф. Комиссаржевскаяның театры мен П. П. Гайдебуров пен Н. Ф. Скарскаяның жетекшілігіндегі театрда қызмет етті. 1912 ж. осында өз театрын ұйымдастырып, гастрольдік сапармен Ресейді аралады. 1915—22 ж. Швейцария мен Францияда (Парижде) тұрып, театр труппасын басқарды. Халық театры үшін күрес жүргізді. Ол Францияда А. П. Чехов драматургиясын насихаттады. 1920—29 ж. У. Шекспирдің «Гамлетін», Б. Шоудың «Әулие Иоаннасын», А. П. Чеховтың «Апалы-сіңлілі үшеуін» қойды. Рольдері: Гамлет (Шекспирдің осы аттас трагедиясында), Протасов (Л. Н. Толстойдың «Тірі өлігінде»).
• П. Людмила (25. 12. 1895, Тбилиси,—15. 9. 1951, Рюэй-Мальмезон)—актриса, П. Жорждың зайыбы. Творчеств. жолын 1916 ж. Швейцарияда бастады. Әр түрлі, кебінесе кереғар рольдерде ойнаған: Иоанна (Шоудың «Әулие Иоаннасында»),Нина Заречпая (Чеховтың «Шағаласында»), Хедвиг (Ибсеннің «Жабайы үйрегінде»), Педогокикалық қызметпен шұғылданды. 1939 жылдан Швейцарияда, АҚШ-та, Канадада, ал 1945 жылдан өмірінің соңына дейін Парижде тұрып, қызмет етті.