Пластирас көлі
| Пластирас гр. Λίμνη Πλαστήρα | |
| Морфометрия | |
|---|---|
| Ұзындығы | 12 км |
| Ені | 4 км |
| Ауданы | 24 км² |
| Ең терең жері | 60 м |
| Сипаттамасы | |
| Қалыпты тірек деңгейі | 800 м |
| Су алабы | |
| Су жинайтын орынның аумағы | 400 км² |
| Құйылатын су ағыны | Тавропос |
| Шығатын су ағыны | Тавропос |
| Орналасуы | |
| 39°18′ с. е. 21°45′ ш. б. / 39.30° с. е. 21.75° ш. б. (G) (O) (Я)Координаттар: 39°18′ с. е. 21°45′ ш. б. / 39.30° с. е. 21.75° ш. б. (G) (O) (Я) | |
| Ел |  Грекия |
| Аймақ | Фессалия |
 Пластирас Ортаққорда | |
Пластирас көлі (Тавроп су қоймасы) (гр. Λίμνη Πλαστήρα) — Грекияның Фессалия тауларында орналасқан жасанды көл.
Тарихы[өңдеу | қайнарын өңдеу]
Су қоймасы идеясының тууы 1935 жылдан басталады. Дәл сол кезде «қара шабандоз» деген лақап атпен белгілі, Грецияның премьер - министрі генерал Николаос Пластирас Тавропос өзенінінің тасуына байланысты алқапты үнемі су басу мәселесін шешетін және сонымен бірге электр қуатын өндіретін бөгет салуды ұсынды.
Бұл идеяны жүзеге асыру үшін көп уақыт қажет болды, себебі елдегі соғыстар, оккупация және одан кейінгі азаматтық соғыс Грекияның үлкен құрылыс жобаларына тежеу болды. Николос Пластирастың идеясы XX ғасырдың 50-жылдарында француз компаниясы бөгет салуға тапсырыс алған кезде ғана жүзеге асырыла бастады. Жұмыс итальяндық соғыс репарациялары есебінен қаржыландырылды. 1960 жылы генералдың жоспары жүзеге асып, Неврополис алқабы жасанды көлге айналды.[1]
Сипаттама[өңдеу | қайнарын өңдеу]
Көлдің ауданы 24 шаршы км, максималды тереңдігі 60 м жетеді, Көл ұзындығы 12 км, ені 4 км. Көл аймақтың дамуына үлес қосты - Кардица ауылдары шаруашылықтарды суару үшін суды пайдалана алды, ал Метрополи ауылының жанындағы су электр станциясында өндірілген электр энергиясы материктік Грекияның көп бөлігін электрлендірді.
Сонымен қатар, мұнда туризм белсенді дами бастады. Көлді қоршап тұрған таулар мен аңғарлардың ашық көріністері, саяхатшыларды тартады. Каштан, шынар, емен, шырша мен қарағайға толы қалың ормандарды аралайтын түрлі соқпақтар бар. Арнайы бөлінген жерлерде аң аулауға, ал көлде балық аулауға, жүзуге, каноэде серуендеуге болады. Көл төңірегінде соңғы жылдары велоспорт, атқа міну және жол талғамайтын көліктермен серуендер өте танымал болды.[2][3][4]
Көрнекі жерлері[өңдеу | қайнарын өңдеу]
Бөгеттегі бетон құрылымы, су қоймасының үлкен көлемін қамтитын арка бұл көлді тамашалауға тамаша орын болып табылады. Муча ауылынан да көл фьордтары мен нига деп аталатын көлдегі шағын аралды көруге болады. Сондай-ақ өз уақытында инновациялық жоба болып табылатын су электр станциясына баруға болады.
Көру алаңынан алыстағы Аграфа тау жотасының орманды беткейлері мен зәулім шыңдарын, 1350 метр биіктікте Олимп тауын көруге болады.
Монастырь «Панагия Пелекити» Аграфа тік беткейлерінің шетінде (шамамен 1400 метр биіктікте), Карица ауылынан солтүстік-батысқа қарай шамамен бір шақырым жерде орналасқан. Бұл 15 ғасырдағы сәулет өнерінің тамаша туындысы.
Мұнда туристер жаяу және велосипед тебуден (педальдық қайықтарды қоса) атқа мінуге дейін барлығын тамашалай алады. Садақ атумен көңіл көтеруге және педальды қайықтармен көлді айналып өтуге болады.
1536 м биіктіктегі Вуцикаки тауының баурайында 2002 жылы Аграфа тастан жасалған тау баспанасы салынған.[5][6]
Дереккөздер[өңдеу | қайнарын өңдеу]
- ↑ Метеора, Пластира көлі. Тексерілді, 14 сәуір 2024.
- ↑ Пластира көлі - Грек Швейцариясы.. Тексерілді, 14 сәуір 2024.
- ↑ Қысқы Пластира көлінің сиқыры. Тексерілді, 14 сәуір 2024.
- ↑ Пластира көлі. Тексерілді, 14 сәуір 2024.
- ↑ Пластира көлі: Табиғатта таңғажайып демалыс күндері үшін тамаша жолдар. Тексерілді, 14 сәуір 2024.
- ↑ Пластира көлі. Тексерілді, 14 сәуір 2024.