Портал:Африка/Таңдаулы тұлға

V Мұхаммед Сиди Мұхаммед бен Юсуф (араб.: محمد الخامس‎; 10 тамыз 1909, Фес — 26 ақпан 1961, Рабат) — Марокконың сұлтаны (1927—1957) және королі (1957—1961)

Әкесі қаза тапқаннан кейін, Марокконы басқарған француздар оның екі ағасын тысқары қойып, өзін сұлтан етіп тағайындады, өйткені француздар оны көнгіш адам деп есептеді. Билік еткен уақытында ұлттық ниетін ептілікпен жасырып жүрді. Екінші дүниежүзілік соғыс кезінде (1939—1945) марокколық еврейлерді фашистік басқыншылардан қорғады. 1953 жылы француздар оны 2 жылға жер аударып жіберді, бірақ ұлтшылдар тарапынан жасалған қысым салдарынан оны қайтаруға мәжбүр болды. 1956 жылы Франциядан тәуелсіздік алды, келесі жылы король титулына ие болды.