Принс-Уильям (округ, Виргиния)

Уикипедия — ашық энциклопедиясынан алынған мәлімет
Jump to navigation Jump to search

Принс-Уильям округі (ағылш. Prince William County) АҚШ-тың Виргиния штатында орналасқан. Ресми түрде 1731 жылы құрылған.  2013 жылғы дерек бойынша, халық саны 431 258 адам болды.

Тарихы[өңдеу]

Аймақтық сот ғимараты

Еуропалықтар келгенге дейін, округ территориясында Поухатан конфедерациясының бөлігі болған алгонкин тілінде сөйлейтін Доег тайпасы қоныстанған болатын. Принс-Уильям округі 1731 жылы Стаффорд округінің батыс бөлігі мен Кинг-Джордж округінің бөлігінен құралып, Вирджиния колониясының Бас Ассамблеясының актісімен құрылды. Бастапқыда округ аумағына кейін Арлингтон, Фэрфакс, Фокьер және Лаудон округтерінің территориясы саналған жерлер кірді; бұл жерге сонымен қатар Александрия, Фэрфакс, Фоллс-Черч және Манассас қалалары кірді. Округ атауы Камберленд герцогі ІІ Георг королінің үшінші ұлы принц Уильямның құрметіне аталған. 

Азамат соғысы басталған кезде, округ тұрғындары Конфедерация әскеріне қызмет етті. Бұл жерде жаяу әскер және кавалерия ротасына адамдар жинаған еді[1]:

  • Prince William Cavalry (А ротасы, 4-вирджиния кавполкі (кавалерия полкі));
  • С және D роталары, (8-вирджиния жаяу әскер полкі);
  • Prince William Rifles (F ротасы, 17-вирджиния жаяу әскер полкі);
  • А және В роталар, 49-вирджиния жаяу әскер полкі; 
  • Mosby's Rangers (партизандар);
  • Chincapin Rangers (партизандар).

Соғыс кезінде округ территориясында үш ірі және бірнеше ұсақ ұрыстар өтті: бұл 1861 жылы шілдедегі Булл-Ран тұсындағы бірінші шайқас;  Торуфэир-Гэп тұсындағы шайқас; Кэттл-Ран тұсындағы шайқас; 1862 жылдың тамызындағы Булл-Ран тұсындағы екінші шайқас және 1863 жылдың қазанында болған Бристо-Стейшен тұсындағы шайқастар. Сонымен қатар округте Джон Мосбидің партизандары белсенді іс-әрекет жасады. 

Географиясы[өңдеу]

АҚШ санақ бюросының деректеріне сəйкес, округтің жалпы жер көлемі - 901 км², оның 870 км²-і - құрғақ жер және 31 км² -і немесе 3,5%-ы - сулы жер.

Көршілес округтері[өңдеу]

Демографиясы[өңдеу]

2000 жылғы санақ бойынша[2] округте 130 785  үй шаруашылығы құрамында 402 002 адам өмір сүреді. Халық тығыздығы км²-ге 458 адамнан келеді. Округ территориясында км²-ға 156 құрылыстан келеді, 137 115 тұрғын құрылыстары бар. Нәсілдік құрамы: ақ түстілер - 57,8%, афроамерикалықтар - 20,2%, байырғы америкалықтар (үндістер) - 0,60%, азиаттар - 7,5%, гавайлықтар - 0,1%, басқа нәсіл өкілдері - 9,1%, екі немесе одан көп нәсіл өкілдері - 5,1%.Тұрғындардың  20,3%-ы испан тілінде сөйлейді.

Жалпы үй шаруашылығындағылардың 42,20 %-ын 18 жасқа дейінгі балалар құрайды, 76,1 % -ы бірге тұратын ерлі-зайыптылар (бүкіл АҚШ-тың 66,5%-ы).

Жас ерекшелігіне келер болсақ, округтің  29,3 %-ы  18 жасқа дейінгілер және 6,50 %-ы  65 жастан жоғарылар. Округ халқының орташа жасы - 33,2.

2012 жылғы дерек бойынша округтегі үй шаруашылығының орташа табысы - 93 744 АҚШ доллары.

Дереккөздер[өңдеу]

Сыртқы сілтемелер[өңдеу]