Раушан Нұртайқызы Нұртай

Уикипедия — ашық энциклопедиясынан алынған мәлімет
Jump to navigation Jump to search

Раушан Нұртайқызы Нұртай 1955 жылы 18 маусымда Көкшетау қаласында туған. Қазақ.

Әкесі - Баймағамбетов Нұртай Баймағамбетұлы, педагог болған. Анасы - Баймағамбетова Сақыш Қайырқызы, педагог болған.

Қарағанды мемлекеттік университетінің заң факультетін бітірген (1977), құқықтанушы. Қазақ және орыс тілдерін біледі. 1977 жылдан - Балқаш қалалық прокуратурасының аға тергеушісі міндетін атқарушы. 1978 жылдан - Балқаш қалалық прокурорының көмекшісі. 1980 жылдан - Алматы қалалық прокуратурасы тергеу бөлімінің прокуроры. 1982 жылдан - ҚазКСР прокуратурасы Тергеу басқармасының прокуроры. 1989 жылдан - СҚО соттарындағы азаматтық істердің қаралуын қадағалау бөлімі прокурорының көмекшісі. 1992 жылдан - СҚО прокуратурасының сот қаулыларының заңдылығын қадағалау бөлімінің аға прокуроры. 1995 жылдан - Көкшетау облыстық Әділет басқармасының аға маманы. 1996 жылдан - Көкшетау облыстық сотының судьясы. 1997 жылдан - Солтүстік Қазақстан облыстық сотының судьясы. 2000 жылдан - Солтүстік Қазақстан облыстық сотының шаруашылық істер жөніндегі сот алқасының төрайымы. 2002 жылдан - Солтүстік Қазақстан облыстық сотының судьясы. 2005 жылдан бері - ҚР Жоғарғы сотының судьясы.

«Қазақстан Конституциясына 10 жыл» (2005), «Астананың 10 жылдығы» (2008) мерейтой медальдарымен марапатталған.

Қазақстанның болашағы туралы болжамы - «Гүлденген, тұрақты және дәулетті ел».

  • Хоббиі - кітап оқу, мұражайларға, театрларға бару, қала сыртына саяхат жасау.
  • Сүйіп оқитын әдебиеті - тарихи жене көркем классикалық шығармалар.
  • Отбасылы. Жұбайы - Абдулов Болат Қасымұлы (1955 жылы туған). Ұлы - Абдулов Жантас Болатұлы (1987 жылы туған); қызы - Абдулова Жанар Болатқызы (1988 жылы туған).[1]

Дереккөздер[өңдеу]

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2