Рахат Қайысұлы Егембердиев

Рахат Қайысұлы Егембердиев 1964 жылы 26 желтоқсанда Алматы қаласында туған. Қазақ. Әкесі - Егембердиев Қайыс Егембердіұлы, зейнеткер, Талдықорған қаласындағы «Октябрь туы» облыстық газетінің редакторы болып жұмыс істеген. Анасы - Егембердиева Жамал Дәубетқызы, зейнеткер, Талдықорған қаласының Н. Островский атындағы ОМ мұғалімі болып жүмыс істеген. Алматы халық шаруашылық институтын (1989) экономист мамандығы бойынша; Қазақ спорт және туризм академиясын (2005) кикбоксинг жаттықтырушысы мамандығы бойынша бітірген. Қазақ, орыс және ағылшын (сөздіктің көмегімен) тілдерін біледі.

• 1983 жылдан - Кеңес Әскерінің қатарында қызметте.
• 1985 жылдан - Талдықорған тәжірибелік коммуналдық жабдық зауытының токарі. 1987 жылдан - Талдықорған қаласының қаржы бөлімі мен салық инспекциясының экономисі, аға инспекторы.
• 1990 жылдан бері - Талдықорған қалалық «Жекпе-жек» ОРБЖМ «Айдаһар» спорт кешенінің каратэ және кикбоксинг жаттықтырушысы. Жастар арасындағы Әлем біріншілігінің 2 мәрте чемпионы, Әлем кубогының иегері (2008) Егембердиева Мариямды; жастар арасындағы әлем чемпионы, Әлем кубогының иегері (2008) Егембердиева Камиланы тәрбиелеген.

ҚР кикбоксинг бойынша Еңбек сіңірген жаттықтырушысы (2004).