Рақымжан Тоқатайұлы Тоқатаев

	Рақымжан Тоқатаев
Туған күні	5 қаңтар 1923
Туған жері	Еңбекшіқазақ ауданы
Қайтыс болған күні	6 желтоқсан 2011 (88 жас)
Қайтыс болған жері	Есік, Еңбекшіқазақ ауданы, Алматы облысы, Қазақстан
Мемлекет	КСРО
Қызмет еткен жылдары	1942–1946
Атағы	старшина
Байланысы	Фёдор Кириллович Кердань

Рақымжан Тоқатайұлы Тоқатаев (5 қаңтар 1923 жыл, Қаракемер, қазіргі Еңбекшіқазақ ауданы – 6 желтоқсан 2011 жыл, Есік) — кеңестік әскери, 1672-танктерге қарсы жойғыш артиллериялық полкінің қару бағыттағышы (38-армия), Кеңес Одағының Батыры.

Шапырашты руынан шыққан.^[1]

Рақымжан Тоқатаев Алматы облысы, Еңбекшіқазақ ауданы, Қаракемер ауылына қарасты, Киров колхозында 1923 жылы 5 қаңтарда дүниеге келген. Бұл ауылдан аттанған көп азаматтардың ішінен екі Кеңес Одағының Батыры шыққан. Бірі Рақымжан Тоқатаев болса, екінші – Кеңес Одағының Батыры Қашаған Жаманқараев. Ол Батыр атағынан бөлек, осы марапатқа тең дәрежедегі «Ерлігі үшін» медалінің, сондай-ақ, 3 дәрежелі Даңқ орденінің және 1-дәрежелі Отан соғысы орденінің иегері.

Екі рет «Халық ағарту ісінің үздігі» белгісімен және Жоғарғы Кеңестің құрмет грамоталарымен марапатталған. Бірнеше рет ауылдық Кеңестік депутаттығына сайланған, сонымен қатар, бірнеше жыл қатарынан аудандық партия комитетінің мүшесі болған.

Рақымжан Тоқатайұлы еңбек жолын Есік қаласында ұстаз болып бастады. 1942 жылы Кеңес әскерінің қатарына алынып, отанды қорғауға барды. Украина майданы құрамында Курск, Киев, Житомир бағытындағы шайқастарға қатысып, Чехословакия жұртшылығын жаудан азат етті. Старшина дәрежесінде танкке қарсы зеңбіректің жетекшісі болды.

1945 жылдың көктемінде Карпат жотасында болған ұрыста 13 неміс танкін атып жойды. Сол шайқаста көрсеткен ерлігі үшін «Кеңес Одағының Батыры» атағына ие болып, III дәрежелі «Даңқ орденімен» марапатталды.

Сілтемелер

Истребитель танков Рахимжан Токатаев Мұрағатталған 6 сәуірдің 2013 жылы.
Новость о кончине(қолжетпейтін сілтеме)
Токатаев Ракымжан Токатаевич — Герой советского Союза Мұрағатталған 2 сәуірдің 2015 жылы.
http://almaty-akshamy.kz/?p=5686
http://egemen.kz/old/2010/?p=6207 Мұрағатталған 2 сәуірдің 2015 жылы.
http://www.inform.kz/kaz/article/2266001 Мұрағатталған 2 сәуірдің 2015 жылы.

↑ Құрастырушы авторы А.Байғазыұлы Бәйдібек баба - Алып бәйтерек ұрпақтарының шежіресі. Сары Үйсін. Шапырашты — Алматы: Издательство Өнер, 2000. — ? б. — ISBN 5-89840-441-4.

[1] Құрастырушы авторы А.Байғазыұлы Бәйдібек баба - Алып бәйтерек ұрпақтарының шежіресі. Сары Үйсін. Шапырашты — Алматы: Издательство Өнер, 2000. — ? б. — ISBN 5-89840-441-4.

[1]