Риони

Уикипедия — ашық энциклопедиясынан алынған мәлімет
Jump to navigation Jump to search

Риони - Грузиядағы өзен Ұзындығы 327 км, алабы 13400 км2. Үлкен Кавказдың Бас немесе Су айырық жоталарындағы мұздықтардан басталып, Кутаиси қаласына дейін бастапқыда тар шатқалмен ағады, содан кейін аңғары кеңіп, жазыққа шығар жерде қайтадан тарылады (осы тұста Гумат және Риони СЭС-тері салынған). Кутаисиден төмен қарай Риони батпақты Колхида ойпаты үстімен ирелеңдеп, бірнеше тармақтарға бөлініп, аралдар жасап ағады. Поти қаласы түбінде ірі 2 тармақпен Қара теңізге құяды. Аралас қоректенеді. Орташа су шығыны 405м3/сек. Жер суаруға пайдаланылады. Атырауынан жоғары 95 км кеме жүзеді. Риони аңғарымен Әскери-Осетин жолы өтеді. Жағалауында Они,Кутаиси, Поти қалалары орналасқан.

Қазақ Совет энциклопедиясының бас редакциясы, 9-ші том.1976[өңдеу]