Рок-музыка

Рок
Бастаулары	блюз • рок-н-ролл, джаз, электрик-блюз, кантри, соул
Пайда болған уақыты мен жері	1950 жылдар Ұлыбритания • АҚШ
Өркендеу жылдары	1960 — осы шақ
Ұқсас жанрлар
афро-рок, блюз-рок, бугалу, бхангра-рок, глэм-панк, дэнс-рок, индастриал-рок, кантри-рок, мэдчестер, пауэр-поп, поп-рок, пунта-рок, рага-рок, раи-рок, регги-рок, рокабилли, рэп-рок, самба-рок, суфи-рок, фанк-рок, фламенко-рок
Туынды жанрлар
альтернативті рок, арт-рок, гранж, глэм-рок, готик-рок, инди-рок, нойз-рок, паб-рок, панк-рок, постпанк, прото-панк, психикалық рок, сатерн-рок, сёрф-рок, софт-рок, спейс-рок, стоунер-рок, фолк-рок, хард-рок, хартленд-рок, глэм-панк, метал, прогрессивті рок, пост-рок

Сыртқы медиафайлдар
Кейбір рок түрлерінің мысалдары
	Elvis Presley (рок-н-ролл)
	Bob Dylan (фолк-рок)
	Jimi Hendrix (блюз-рок)
	The Doors (психоделикалық рок)
	Deep Purple (хард-рок)
	Pink Floyd (прогрессив-рок)
	Fleetwood Mac. (софт-рок)
	Iron Maiden (хэви-метал)
	Дэвид Боуи (глэм-рок)
	Dire Straits (паб-рок)
	Toto (поп-рок)
	Sex Pistols (панк-рок)
	The Cure (постпанк)
	Muse (альтернативті рок)
	Arctic Monkeys (инди-рок)
	Nirvana (гранж)
	Green Day (поп-панк)

Рок-музыка (ағылш. Rock — теңселу, сілкіну) — қазіргі замандағы поп-музыка саласы. Рок-музыка негізін Солтүстік Американың халықтық фольклоры — рок-н-ролл және кантри құрайды. Рок-музыка алғаш 1950 — 60 ж. Ұлыбритания және АҚШ-та қалыптасқан. Рок-музыканың танымал өкілдері — “The Beatles”, “The Rolling Stones”, “Led Zeppelin”, “Pink Floyd” сияқты музыкалық ансамбльдер. Рок-музыканың негізгі белгілері: блюздік композициялық құрылымдар, қысқа ангемитондық ырғақ, дыбысты электрлік және электрондық аспаптармен күшейту арқылы әсерлілігін арттыру. Рок-музыка жастар субмәдениетінің бір бөлігі болып саналған. Оның ішкі өзіндік белгілері мен ерекшеліктеріне байланысты бірқатар ағымдар дараланады. Мысалы, әлеуметтік-мәдени қозғалыстарға қатысты (“хиппи”, “панк рок”, т.б.), жас ерекшелігіне байланысты (ересектерге, жасөспірімдерге арналған), екпін мен белсенділігіне (“хард-рок”, “софт-рок”) және техникалық жабдықталуына қарай (“афро-рок”, “барокко-рок”, “джаз-рок”, т.б.), көркем мәдениет жүйесіндегі орны бойынша (коммерциялық “поп-рок”, элитарлық “рок-авангард”), т.б. Рок мәдениеті үшін музыканттардың жүріс-тұрысы, киім киісі, рок-шоуды безендіру, бейнеклиптерді шығару сияқты сыртқы көрініс факторлары маңызды рөл атқарады. ТМД елдерінде Рок-музыка 1965 — 80 ж. дамыды. Бірқатар әуесқой топтар құрылды. Сондай-ақ кәсіпқой-сазгерлердің (А.Г. Шнитке, Э.Н. Артемьев) назарына іліккен жанр элементтері кең стильдік контексте қолданылды. Кейінгі жылдары Рок-музыка Батыс елдерінде тек өнер түрі ретінде қабылданады.