Рух 5:13

Уикипедия — ашық энциклопедиясынан алынған мәлімет
Jump to navigation Jump to search
Рух 5:3
Rux 5:13
Режиссёрі

Шавкат Жайрон

Сценарийдің авторы

Шерзод Ералиев

Басты рөлдерде

Шавкат Жайрон
Нигора Акбарова
Шерзод Ералиев

Операторы

Азиз Шукуров

Композиторы

Шерзод Нуралиев

Кинокомпания

Жайрон Рекордс
Жайрон фильм'с

Ұзақтығы

269 минут

Мемлекет

Flag of Uzbekistan.svg Өзбекстан

Тілі

өзбекше

Шыққан жылы

2006

Рух 5:13 — "Жайрон Рекордс" студиясында түсірілген үш сериялы өзбек фильмі. Жанры — қиял-ғажайып драма. Режиссері - Шавкат Жайрон.

Сюжеті[өңдеу]

Сәдір — қылмыстық тобы бар мықты жігіт. Бір күні өзімен өштесіп жүрген адамды өлтіріп, ешкім білмес үшін, жандайшаптарының біріне суға апарып тастауды бұйырады. Бұл бұйрық бұлжытпай орындалады, алайда, суға тастап жатқан сәтте бір қыздың бұларды көріп тұрғанын көзі шалып қалады да, "куәгер" болуы мүмкін қызды қуалап жүріп өлтіреді. Қыз жендетке қанша жалынып-жалбарынса да, бәрібір, жендет оның көзін жояды.

Қыз жендеттің әскердегі ағасының (аты-Сарвар) сүйіктісі еді. Айуандықпен өлтіре салуына бұл жайт та кедергі бола алмайды.

Арада біраз уақыт өтіп, ағасы әскерден оралғанда оны қыз (қайтыс боп кеткен қыз) күтіп алады. Кафеде отырады, тамақтанады, сосын, қызға бұл сыйлық ретінде алқа тағады, екеуі қоштасады.

Ертеңіне-ақ жігіт қызды үйіне іздеп барады. Бірақ, кеше ғана ойнап-күліп, мұны әскерден қарсы алған қыз әлдеқашан о дүниелік болған болып шығады. Сарвар ештеңеге де түсінбейді, сенбейді. Алайда, оның өкінішіне орай солай еді. Тіпті, қабірін де қазып көреді. Сөйтсе, қыздың мойнында әскерден келгенде өзі таққан алқа бар екен. Ал, көмілгенде оның мойнында ештеңе жоқ еді, дейді білетіндер.

Сарвардың да онша-мұнша әруақтармен сөйлесер тылсым құдіреті бар еді. Сол қасиетінің арқасында қызды кім өлтіргенін біліп қояды. Ақыр соңы, жендет інісі тұтқындалып, одан қашып шығып, қашып-пысып жүрген жерінде баяғы өзі өлтірген қыз ақ кебенек жамылып келіп, бұған еш тыныштық бермейді. Ақыры, әруақ жендетті өлтіріп тынады.

Қыздың кебенек киген әруағы Сарварға да жиі келеді. Және де, үнемі таңғы сағат 5:13 те жетіп келеді. Мұның себебін ұқпаған Сарвар қыздың асыранды анасына барып, онымен тілдеседі. Анасы болса марқұм қызының ешкімге ұқсамайтынын, үнемі 5:13 деген жазуы бар суреттерді қайта-қайта салып, оны қайтадан ашуланып, жыртып тастап жүретінін айтады.

Қыздың әруағы Сәдірге де тыныштық бермей оны таңғы сағат 5:13-те буындырып өлтіреді.

Сарвар 5:13 санының мәінісін білмей, әбден басы қатады. Өзіне әруақ болып жолығып жүрген қыз да ол жайлы тіс жармайды. "Әруақ қыз" өзінің шешесін белгісіз жерге көміп өлтіріп, әкесінің басын айналдырып,өзін айдалаға апарып тастаған әйелді де таңғы сағат 5:13-те өлтіреді.

Ақыр соңында Сарварға соңғы өтінішін жеткізеді, "шешемді айуандықпен өлтіріліп, көмілген жерінен қазып алып, қайта арулап көміп, құран оқытыңыз" дейді. Сарвар байғұс осыны жасағаннан соң ғана өзін мазалаған қыздың рухынан бір жола құтылады.

Фильмнің соңғы кадрлары тіптен әсерлі, Сарвар түнімен ұйықтамай, елегізумен болады. Бір кезде, үстелдің үстіндегі сағатқа көзі түседі. Сағат болса дәл таңғы 5 сағат 13 минутты көрсетіп тұр екен. "Қыздың әруағы келер ме екен?" деген ой басына келеді. Іштей оны күтеді де. Біреу "өй" десе жүрегің жарылып кететіндей тыныштықта арт жағынан бір адам дыбыссыз келіп, мұның иығына жәйлап барып қолын қояды. Сарвар селт етіп, зәресі ұшып, артына жалт қарайды! Қараса...өзінің қарындасы екен.

Актерлер[өңдеу]

  • Сардор — Шавкат Жайрон
  • Рухсора — Нигора Акбаров (үшінші серияда — Феруза Рахимова)
  • Баходыр — Шерзад Ералиев
  • Садір — Аваз Рустамов
  • Сарвар — Алишер Қодиров
  • Рухсораның анасы — Мавлюда Бойматова

Басқа да фактілер[өңдеу]

  • Фильм Әндіжан облысында түсірілген.
  • 2015 жылы Қазақстанда да осыған ұқсас "М-Агент" атты кино түсірілді.

Сілтемелер[өңдеу]