Рымбала Кенжебалиқызы Омарбекова

Рымбала Кенжебалиқызы Омарбекова 1943 жылы 9 ақпанда Қарағанды облысы Қарқаралы қаласында туған. Қазақ. Қарағанды мемлекеттік педагогика институтының филология факультетін (1965) орыс тілі мен әдебиетінің оқытушысы мамандығы бойынша, КОКП ОК жанындағы қоғамдық ғылымдар академиясының аспирантурасын (Мәскеу қаласы, 1980) бітірген. Тарих ғылымдарының кандидаты (1980). Кандидаттық диссертациясының тақырыбы: «Дамыған социализм кез- еңінде ауыл мәдениетін дамытудағы Кеңестөрдің қызметі». Облыстық және республикалық бұқаралық ақпарат құралдарындағы мәдениет мәселелері жөніндегі мақалалардың авторы. Қазақ, орыс және неміс (сөздікпен) тілдерін біледі. «Нұр Отан» ХДП мүшесі. 1960 жылдан - Қарағанды облысы Қарқаралы аудандық байланыс кеңсесінің телеграфист-морзисі. 1961 жылдан - Қарағанды мемлекеттік педагогикалық институтының студенті. 1965 жылдан - «Қырғыз» кеңшарының №23 ОМ орыс тілі мен әдебиеті мұғалімі (Қарағанды облысы Қарқаралы ауданы). 1966 жылдан - Қарағанды облысы Қарқаралы қалалық №1 орта мектепте орыс тілінің мұғалімі. 1967 жылдан - Қарағанды облысы Қазақстан ЛКЖО Қарқаралы аудандық комсомол комитетінің екінші хатшысы, бірінші хатшысы. 1971 жылдан - Қазақстан ЛКЖО Қарағанды облыстық комитетінің хатшысы - студенттер, мектеп жастары мен пионерлер бөлімінің меңгерушісі. 1973 жылдан - Қазақстан Компартиясының Қарқаралы аудандық комитетінің хатшысы. 1977 жылдан - КОКП ОК жанындағы қоғамдық ғылымдар академиясының аспиран- ты (Мәскеу қаласы). 1980 жылдан - Компартияның Қарағанды облыстық комитетінің дәріскерлер тобының жетекшісі, 1982 жылдан - үгіт және насихат бөлімі меңгерушісінің орынбасары. 1985 жылдан - Қарағанды облыстық атқару комитеті Мәдениет басқармасының бастығы. 1987 жылдан - Қарағанды облыстық Халық депутаттары кеңесінің атқару комитеті төрағасының орынбасары. 1992 жылдан - Қарағанды облыстық Мәдениет комитетінің төрағасы. 1999 жылдан - Қарағанды облыстық мәдениет, ақпарат және қоғамдық келісім департаментінің бастығы. 2000 жылдан - Қарағанды облыстық Мәдениет департаментінің директоры. 2005 жылдан - Қарағанды облысы Мәдениет департамөнтінің директоры. 2008 жылдан 2011 жылдың ақпанына дейін - Қарағанды облысы Мәдениет басқармасының бастығы. Қарағанды облыстық Халық депутаттары кеңесінің депутаты (1986-1992). Қарағанды облысы әкімдігі жанындағы Отбасы және әйелдер істері жөніндегі комиссияның мүшесі. «Парасат» орденімен (2007), «Еңбек үздігі үшін» медалімен (1976), ҚазКСР Жоғарғы Кеңесінің грамотасымен (1975) марапатталған. Қазақстанның Еңбек сіңірген қайраткері (1998). Қарағанды облысы Қарқаралы ауданының Құрметті азаматы (1999). Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Қазақстан экономикалықжәне рухани дамыған елдер көшбасшылары қатарында болатынына сенемін». Хоббиі - тау соқпақтарымен қыдыру, табиғат аясында болу. Сүйіп оқитын әдебиеті - поэзия, А. Құнанбаевтің «Қара сөздері», А.С. Пушкиннің, Қ. Аманжоловтың поэзиясы.