Саймон Бейкер

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Саймон Бейкер
Simon Baker
Сурет
Саймон Бейкер жұмыс үстінде
Жалпы мағлұмат
Азаматтығы:

 Аустралия

Мамандығы:

актер

Белсенді жылдары:

1987қазіргі уақытқа шейін

IMDb:

ID 0048932

Саймон Бейкер (ағыл. Simon Baker, сонымен қатар Саймон Денни (ағыл. Simon Denny) деген атпен де белгілі) — австралиялық теле және киноактер. 1969 жылы 30 шілдеде туған.

Биографиясы[өңдеу]

Саймон Бейкер Лонсестонда (Австралия, Тасмания) ағылшын тілінің мұғалімі Элизабет Лаббертон мен механик, бағбан Барри Бейкердің отбасында дүниеге келген. Католиктік ұстанымда тәрбиеленеді. Баллинаның орта мектебінде оқиды. Оны 1986 жылы бітірген Бейкер Сидней қаласына медициналық білім алу үшін көшіп барады, дегенмен дипломға ие бола алмайды. Саймон досымен бірге көптеген тыңдауларға барып жүреді. Кейін оны түсірілімдерге шақыра бастайды. Ол 1995 жылы АҚШ-қа қоныс аударады.

Австралиялық актриса Ребекка Риггке ( ағыл. Rebecca Rigg) үйленген. Үш баласы бар: Стелла, Илод және Гарри. Осы уақытқа дейін олар Малибу (Калифорния) қаласында тұрған. Саймон кейін бірталай уақытқа Сиднейге қайтып келеді. Қазіргі кезде отбасымен бірге Лос-Анджелесте тұрады.

Мансабы[өңдеу]

Менталист телехикаясының логотипі

Бұрын Саймон Бейкер серфинг және су полосы бойынша халықаралық деңгейдегі жарыстарға қатысып, спортсмен-чемпион атағына ие болған. Оның актерлік қызметі Австралиялық телевизияда 1980 жылдардың аяғында басталады. Алғашқыда көпшілікке Саймон Бейкер Дэнни ретінде белгілі болады. Саймон 1991 жылы Мелисса Ткауцтың «Read My Lips» өлеңінің және австралиялық атақты «Euphoria» триосының «Love You Right» атты туындысының музыкалық бейнебаянына түседі. «Дома и в пути» ( Үйде және жолда) телехикаясындағы Джеймс Хили рөлімен, «E Street» және «Школа разбитых сердец» (Жаралы жүректер мектебі) телехикаяларындағы рөлдерімен танымал бола бастайды. Бейкер Америкаға келгенде өзінің өгей әкесі Том Деннидің аты-жөніне көшіп, жұмыс істей бастайды. Кёртис Хэнсонның «Секреты Лос-Анджелеса» ( Лос-Анджелес құпиялары) атты оскарлық триллеріне кастинг өтіп, сондағы кішігірім рөлге, Мэтт Рейнолдстың рөліне ие болады. Фильм көрермен тарапынан жақсы бағаланады. Осылайша Саймонды өзге де көптеген үлкен рөлдерге шақыра бастайды. 2000 жылы Саймон Энтони Хоффманның «Красная планета» (Қызыл планета) атты фантастикалық фильмінде Чип атты астронавтың рөлінде, Вэл Килмер, Кэрри-Энн Мосс және Бенджамин Брэтпен бірге ойнайды. Сонымен қатар оған Чарльз Шайерадің «История с ожерельем» (Алқа туралы хикая) драмасындағы және «Защитник» (Қорғаушы) телехикаясындағы басты ер адам рөлін ойнауға ұсыныс жасалады. Ұсынысты қабылдаған ол 2001-2004 жылдар аралығында «Защитник» (Қорғаушы) телехикаясында өзіне бекітілген рөлді сәтті ойнап шығады. «Защитник» (Қорғаушы) телехикаясындағы қорғаушы Ник Фолидің рөлі үшін 2002 жылы Бейкер «Золотой глобус» сыйлығына ие болады.

Джордж А. Ромероның «Земля мёртвых» (Өлгендер жері) атты қорқынышты жанрдағы фильмінде альтурист рөлінде және Элайн Уокердің бақытсыз күйеуі Дэвид Уокер рөлінде, Алан Браунның «Книга любви» комедиясында ойнайды. Біраз уақыт бұрын Брайан Келли персонажы ретінде «Что-то новенькое» (Бірдеңе жаңа) мелодрамасында өзінің тамаша ойынын, Родерик Блан персонажы ретінде Вайнона Райдермен бірге Дэниэл Уотерстің «Секс и 101 смерть» ( Секс және 101 өлім) комедиясына түседі.

Танымал әрі талантты актерлердің бірі ретінде Бейкер телевизиондық «Воры экстра-класса» (Экстра-класс қарақшылары) минителехикаясында Джеффа Бриннің рөлін сомдайды. Ол 2006 жылы шыққан Дэвид Френкеланың «Дьявол носит „Prada“» (Шайтан „Prada“ киеді) атты фильмінде Кристиан Томпсонның рөлін сомдайды.

Актер 2008 жылы шыға бастаған "CBS" каналының "Менталист" телехикаясында басты рөлдердің бірін сомдайды. Оның персонажы Патрик Джейн өте ақылды әрі зерделі детектив болады. Осы рөлі үшін Бейкер 2009 жылы «Эмми» және «Золотой глобус» сыйлығының иегері атанады. 2003 жылы Бейкер жыл сайын өтетін «Fugly Awards» сыйлығының иегері атанады. Онда Бейкер австралиялық сыйлықты "Телевизияның қаһарман тұлғасы" (Мужественная Персона Телевидения) атты жүлдесі үшін алады.

Саймон Бейкер мен "Менталист"[өңдеу]

Warner Bros. Television компаниясы, яғни "Менталист" телехикаясын жасаушы компания арасында жаңа келісімшарт жасалатын болды. Егер де екі жақ ұсынысты қабылдаса, Саймон Бейкер 30 млн.$ байи түседі. Осы телехикая бір эпизод барысында 16 млн. аудиторияны жинаған болатын. Сондықтан продюсерлер атақты телехикаяны одан әрі шығару шешімін қабылдайды. Ендігі кезде, яғни 5 сезон барысында Саймон Бейкер продюсер қызметіне ие болады. Осы телехикаяға түсу барысында ол "Золотой Глобус" және "Эмми" сыйлықтарының лауреаты болған[1].

Марапаттары мен сыйлықтары[өңдеу]

2009 ж. Саймон Бейкер ТВ-Гид (TV-Guide) американдық журналының сауалнамасы бойынша, 100 ең тартымды американдық актерлер қатарынан 70-ші орынға ие болды. Бірақ, оның фанаттары бұл орынға разы болмады. Олардың айтулары бойынша, Саймон Бейкер өзінің мөлдіреген көк көзімен, бұйра шаштарымен және тек өзіне тән ақылдылығымен одан жоғарғы орынға ие болуы қажет еді[1].

Марапаттары[өңдеу]

  • 1993 — Logie Awards — «Ең жақсы жаңа актер» — «E Street»телехикаясы
  • 2002 — Family Television Awards — «Ең жақсы актер» — «Защитник»телехикаясы
  • 2009 — Халық таңдауы — «Ең жақсы актерлер құрамы» — «Менталист»телехикаясы(1 сезон).

Сыйлықтары[өңдеу]

  • 2000 — Australian Film Institute Awards — «Минихикаяттағы ең үздік басты ер адам ойыны үшін» — «Secret Men’s Business» телехикаясы
  • 2002 — Золотой глобус — «Драмалық телехикаядағы ең үздік ер адам ойыны үшін » — «Защитник» телехикаясы
  • 2004 — Logie Awards — «Ең танымал шетел актері»
  • 2005 — Prism Awards — «Драмалық телехикаяның ең үздік актері» —«Защитник» телехикаясы
  • 2009 — Эмми — «Драмалық телехикаяның ең үздік актері» —«Менталист» телехикаясы (1 сезон)
  • 2009 — Золотой глобус — «Драмалық телехикаядағы ең үздік ер адам ойыны үшін » — «Менталист» (2 сезон)
  • 2009 — Screen Actors Guild Awards — «Драмалық телехикаядағы ең үздік ер адам ойыны үшін» — «Менталист» телехикаясы(2 сезон) [1].

Дереккөздер[өңдеу]

  1. a b c http://www.kinomania.ru Дереккөз алу қатесі: Invalid <ref> tag; name "source1" defined multiple times with different content Дереккөз алу қатесі: Invalid <ref> tag; name "source1" defined multiple times with different content