Сайрагүл Ербосынқызы Нұрсұлтанова

Сайрагүл Ербосынқызы Нұрсұлтанова
Туған күні	24 мамыр 1952 (1952-05-24) (73 жас)
Туған жері	Алматы, Қазақ КСР
Азаматтығы	КСРО  Қазақстан
Қызметі	балет әртісі, балетмейстер, хореограф, балет ұстазы
Театр	Абай атындағы Қазақ опера және балет театры
Марапаттары

Сайрагүл Ербосынқызы Нұрсұлтанова (24 мамыр 1952, Алматы, Қазақ КСР) – балерина, Қазақстанның халық әртісі (1990).

Өмірбаяны

1968 жылы Алматы хореография училищесін (профессор Б.Ғ. Аюханов және Р.М. Көрпешованың жетекшілігімен) бітірді.

1968 – 93 жылы “Алматының жас балеті” (қазіргі Қазақ мемлекеттік академиялық классикалық би ансамблі) ансамблі құрамында қызмет етіп, Қыз Жібек(Е.Г. Брусиловский, “Қыз Жібек”), Қарашаш (Е.Рахмадиев, “Алпамыс”), Гертруда (А.П. Исакова, “Гамлет”), Татьяна (П.И. Чайковский, “Татьяна Ларина”), т.б. партияларды орындады.

1993 жылдан Қазақтың мемлекеттік академия опера және балет театры труппасында биші әрі “Гүлдер” эстрада жастар ансамблі құрамында педагог-репетитор ретінде (шәкірттері Л.Әлпиева, Г.Тұтқыбаева, т.б.) қызмет етеді.