Салтанат Қадырбекқызы Сапарбекова

Уикипедия — ашық энциклопедиясынан алынған мәлімет
Навигацияға өту Іздеуге өту
Салтанат Сапарбекова
Жеке мағлұматтар
Жынысы

Әйел

Толық есімі

Салтанат Қадырбекқызы Сапарбекова

Азаматтығы

 Қазақстан

Мамандандыру

Тоғызқұмалақшы

Клубы

Тоғызқұмалақтан Қазақстан құрамасы

Туған күні

23 мамыр 1984 (1984-05-23) (40 жас)

Туған жері

Шымкент қаласы, Шымкент облысы, Қазақ КСР

Кәсіби карьерасы

1995

Бапкер(лер)і

Қадырбек Сапарбеков
Сәбит Сапарбеков

Салтанат Қадырбекқызы Сапарбекова (23 мамыр 1984 жыл, Шымкент қаласы, Шымкент облысы, Қазақ КСР) – тоғызқұмалақтан Халықаралық дәрежедегі спорт шебері. Қазақстанның бірнеше дүркін чемпионы. Әлем чемпионы және әлем чемпионаттарының 6 дүркін жүлдегері. Қазақстан кубогы мен жекелей чемпионатының бірнеше дүркін жеңімпазы, Әлем кубогы мен Азия чемпионатының бірнеше дүркін жүлдегері. Қазақстандағы және әлемдегі ең үздік тоғызқұмалақшылардың бірі.

1984 жылы Оңтүстік Қазақстан облысында дүниеге келген. Шымкент қаласының және Қазақстан ұлттық құрамасының спортшысы. Тоғызқұмалақты өзінің әкесі әрі жеке бапкері, ұлттық спорт қайраткері Қадырбек Сапарбеков үйреткен[1]. 8 жасынан бастап ойынды меңгеріп, оқушы кезінен республикалық, халықаралық жарыстарда жеңіске жете бастаған. Анасы – Назирахан Алиякбарова. Білікті ұстаз. Қазіргі бапкері – інісі, ҚР Еңбек сіңірген жаттықтырушысы Сәбит Сапарбеков.

Білімі: Жоғары, М.Әуезов атындағы ОҚМУ-ды «Дене шынықтыру және спорт» мамандығы бойынша қызыл дипломмен бітірген. Шымкенттегі №66 «Қазығұрт» орта мектебінің түлегі.

Тоғызқұмалақты 8 жасынан ойнай бастаған Салтанат Сапарбекова ресми әрі кешенді жарыстардың бәрінде дерлік өзі туып-өскен өңірдің намысын абыроймен қорғап келеді. 1999 жылы тұңғыш рет ересектер арасында классика түрінен ҚР чемпионы атанды. 2003 және 2014 жылдары осы жетістікті қайталады. 1995-2018 жылдар аралығында ҚР жастар арасындағы біріншіліктерінде, командалық әрі жекелей сайыстарында топ жарған. Кешенді спартакиадалар мен фестивальдердің бірнеше дүркін жеңімпазы. Рапид және блиц түрлері бойынша еліміздің 5 дүркін, ҚР командалық чемпионаттарының 5 дүркін чемпионы.

Швейцария, Моңғолия, Қырғызстан, Литва, Ресей Федерациясы, Өзбекстан, Румыния, Түркия және өзге де елдерде өткен Әлем кубоктары мен халықаралық сайыстарда жеңімпаз, жүлдегер атанған. Салтанат Сапарбекова 31 жылдан бері тоғызқұмалақпен шұғылданып, ел намысын абыроймен қорғап келеді. Өзі – білікті бапкер. Шәкірттері ел чемпионаттарында олжа салып жүр. Еңбекқор әрі ізденімпаз спортшы үлкенн тенниспен де шұғылданған. Бос уақытында кітап оқып, саяхаттағанды ұнатады. 2014 жылы республикалық «Алтын тұғыр» сыйлығын иеленген.

Жеңістер хронологиясы

[өңдеу | қайнарын өңдеу]
  • 1999, 2003, 2014 жылдар – Әйелдер арасында ҚР жекелей чемпионаты, І орын.
  • 1995-2018 жылдар – ҚР жастар, командалық және жекелей чемпионаттарында І орын.
  • 2006-2015 жылдар – ҚР кешендік спартакиадалар мен фестивальдер – І орын.
  • 2004 жыл – Чолпан-Атадағы (Қырғызстан) халықаралық турнир, І орын.
  • 2006 және 2011 жыл – ҚР Президенті Н.Назарбаевтың жүлдесіне арналған халықаралық турнирлерде – І орын.
  • 2006 жыл – Павлодар, Халық ойындары – І орын.
  • 2007 жыл – Ыстықкөлдегі (Қырғызстан) халықаралық турнир, І орын.
  • 2007 жыл – ҚР Әейлдер арасындағы жекелей чемпионатында – І орын (блиц)
  • 2008 жыл – Ресей Федерациясы мен Қырғызстандағы халықаралық жарыстарда – І орын.
  • 2009 жыл – І Азия чемпионаты, Шымкент, ІІІ орын.
  • 2010 жыл – Ташкенттегі (Өзбекстан) халықаралық жарыс – І орын.
  • 2010 жыл – ҚР жекелей чемпионаты, І орын (рапид).
  • 2010 жыл – І Әлем чемпионаты, Астана қаласы, ІІ орын (классика), ІІІ орын (блиц).
  • 2011 жыл – Чолпан-Ата (Қырғызстан), халықаралық жарыс – І орын.
  • 2012 жыл – Канн (Франция), халықаралық жарыс – ІІ орын.
  • 2013 жыл – Павлодар, Азия чемпионаты, ІІІ орын.
  • 2013-2014 жылдар – Бішкек, Чолпан-Ата (Қырғызыстан), халықаралық жарыстар – І,ІІ,ІІІ орындар.
  • 2014 жыл – «Алтын тұғыр» сыйлығының иегері.
  • 2015 жыл – Алматы, Әлем чемпионаты – І орын (блиц), ІІІ орын (классика).
  • 1998, 1999, 2001, 2017, 2018 жылдар – ҚР командалық чемпионатының жеңімпазы.
  • 2012, 2014, 2016, 2017, 2018 жылдары – Қазақстан кубогының жеңімпазы.
  • 2015 жыл – Бішкек, халықаралық турнир – І орын.
  • 2015 жыл – Швейцариядағы халықаралық жарыс – ІІ орын
  • 2016 жыл – Ұлы дала ойындары (Алматы) – І орын.
  • 2016, 2017 жылдар – Баян Өлгей (Моңғолия), халықаралық турнир – І орын.
  • 2016, 2018 жылдар – Бішкек (Қырғызстан), Орта Азия кубогы – І, ІІ орын.
  • 2018 жыл – Анталья (Түркия), халықаралық жарыс – І орын.
  • 2018 жыл – ҚР классикадан жекелей чемпионаты – ІІ орын
  • 2018 жыл – VI Республикалық халық ойындары – ІІ орын
  • 2019 жыл – Анталья (Түркия) V Әлем чемпионаты – ІІ орын (классика).
  • 2019 жыл – Ақтөбе, Ұлттық спорт түрлерінен 5-фестиваль – ІІІ орын
  • 2019 жыл – ҚР жекелей чемпионаты – І орын (рапид), ІІІ орын (блиц).
  • 2019 жыл – ҚР командалық чемпионаты – ІІІ орын
  • 2020 жыл – Вильнюс (Литва), халықаралық жарыс – І орын.
  • 2021 жыл – ҚР кубогі – ІІ орын
  • 2022 жыл – Халық ойындары – командалық есепте – І, жекелей – ІІ орын.
  • 2022 жыл – Ыстықкөл, халықаралық жарыс – ІІІ орын.
  • 2022 жыл – ІІ Азия кубогі – ІІІ орын (блиц).
  • 2022 жыл – ҚР кубогі – І орын
  • 2022 жыл – Әлемнің 6-шы чемпионаты (Ақтөбе) – 3 орын (рапид).
  • 2023 жыл – «Ұлы қазақ ойындары» (Шымкент) – ІІ орын.
  • 2023 жыл – Қазақстан чемпионаты (Түркістан) – І орын (блиц), І орын (рапид).
  • 2023 жыл – Моңғолия, Азия чемпионаты – ІІ орын (блиц).
  • 2023 жыл – Констанца (Румыния), әлем кубогы – ІІІ орын (рапид).

Дереккөздер

[өңдеу | қайнарын өңдеу]

Сілтемелер

[өңдеу | қайнарын өңдеу]