Сана би кесенесі
Сана би кесенесі — көпшілік зиярат ететін қасиетті орын болып табылады.
Орналасуы[өңдеу | қайнарын өңдеу]
Қарағанды облысы, Ақтоғай ауданы, Сарытерек ауылынан солтүстікке қарай 11 шақырым жерде орналасқан.
Сипаттамасы[өңдеу | қайнарын өңдеу]
Сана би Қожантайұлы ХҮІІІ ғасырдахалық бірлігі мен ынтымағын сақтауға үлес қосқан белгілі би. Қараменде бимен бір уақытта өмір сүрген, кез келген қиын жағдайда жол табатын сенімді серігі болған. Ел арасында сақталған әңгімелер бойынша Қараменде мен Сана билер Дадан тобықты руына қоныс іздеп, Тоқырауын өзені мен Балқаш көлінің маңын таңдаған. Сана би Балқаш көлінің жанына келгенде: «Ойы-балық, қыры-киік, кедейдің жан сақтар жері екен» депті. Дадан тобықты руы Тоқырауын, Балқаш маңында кең таралған.
Аңыз[өңдеу | қайнарын өңдеу]
Ел арасындағы аңыз бойынша Сана би қайтыс боларының алдында: «Менің сүйегімді ақ түйеге артыңдар. Түйе қай жерге шөксе, сол жерге жерлеңдер» деген. Түйе екі күн жүріп қазіргі Сарытерек ауылынан он шақырым жердегі төбеге шөгеді. Сол жерге жерленеді.[1]
Дереккөздер[өңдеу | қайнарын өңдеу]
- ↑ https://mearas.kz/karpro/index.php/listing/sanabi-2/(қолжетпейтін сілтеме)