Ақтоғай ауданы (Қарағанды облысы)

Қазақстан ауданы
Ақтоғай ауданы
Елтаңбасы
Әкімшілігі
Облысы	Қарағанды облысы
Аудан орталығы	Ақтоғай
Ауылдық округтер саны	15
Кенттік әкімдіктер саны	2
Ауыл саны	36
Тарихы мен географиясы
Координаттары	48°18′59″ с. е. 74°58′45″ ш. б.48.31639° с. е. 74.97917° ш. б. / 48.31639; 74.97917
Құрылған уақыты	1928
Жер аумағы	52,0 мың км²
Уақыт белдеуі	UTC+6:00
Тұрғындары
Тұрғыны	15 982 адам (2023)
Ұлттық құрамы	қазақтар (91,48%), орыстар (6,54%), татарлар ( 0,32%), корейлер (0,27%), немістер (0,24%), украиндар (0,17%) беларустар (0,10%), әзірбайжандар (0,08%), басқа ұлт өкілдері (0,80%)
Сандық идентификаторлары
Телефон коды	+7 71037
Пошта индексі	100200-100210
Автомобиль коды	09
Облыс картасындағы Ақтоғай ауданы

 Басқа мағыналар үшін Ақтоғай ауданы деген бетті қараңыз.

Ақтоғай ауданы — Қарағанды облысының оңтүстік-шығысындағы әкімшілік аудан. 1931 жылы құрылған (кей деректер бойынша 1928 жылы). Аудан аумағы 52,0 мың шаршы километрге тең. Орталығы Ақтоғай ауылы.

Халқы

Тұрғындары 17 474 адам (2019). Ұлттық құрамы: қазақтар – 91,48%, орыстар – 6,54%, татарлар – 0,32%, корейлер – 0,27%, немістер – 0,24%, украиндар – 0,17%, беларустар – 0,10%, әзірбайжандар – 0,08%, басқа ұлт өкілдері – 0,80%.

Әкімшілік бөлінісі

36 елді мекен 2 кенттік әкімдіктері мен 15 ауылдық округтерге біріктірілген:

• Абай ауылдық округі
• Айыртас ауылдық округі
• Ақтоғай ауылдық округі
• Жидебай ауылдық округі
• Кежек ауылдық округі
• Қарабұлақ ауылдық округі
• Қараменде би ауылдық округі
• Қызыларай ауылдық округі
• Құсақ ауылдық округі
• Нүркен ауылдық округі
• Ортадересін ауылдық округі
• Сарытерек ауылдық округі
• Сарышаған кенттік әкімдігі
• Тасарал ауылдық округі
• Тораңғылық ауылдық округі
• Шабанбай би ауылдық округі
• Шашубай кенттік әкімдігі

Шаруашылығы

2006 жылы ауыл шаруашылығы өнімнің айтарлықтай бөлігін мал шаруашылығы құрады. Аймақта ауыл шаруашылығы өнімін өндіруге 1300,9 мың гектар ауыл шаруашылығы жерлер пайдаланылады, оның ішінде 12,4 мың га - егістік алқаптар. 2006 жылғы астыққа 11,4 мың га ауыл шаруашылығы дақылдары егілетін егістік жерлер пайдаланылды, оның ішінде 4,3 мың га дәнді дақылдар, картоп – 0,1 мың га, көкөніс – 0,05 мың га.

• 2006 жылы: 2,9 мың тонна дәндер; 1,9 мың тонна картоп; 1,0 мың тонна көкөніс-бақша дақылдары; 7,6 мың тонна ет (тірі салмақта); 9,7 мың тонна сүт; 1227,0 мың дана жұмыртқа өндірілді.
• 2007 жылғы 1 қаңтар: ірі қара мал саны 34,1 мың бас; қой мен ешкі – 150,2 мың бас; шошқа - 0,6 мың бас; жылқы – 10,8 мың бас; құс – 20,6 мың басты құрады.
• Өнеркәсіптік өнімнің негізгі түрлері: нан және нан өнімдерін, ұн, өсімдік майы, балық өнімдері, түсті металдарды өндіру. 2006 жылғы өндірістік өнім көлемі (үй шаруашылық есебінсіз) 1305,7 млн. теңгені құрады.

Әлеуметтік құрылымдары

• 28 күндізгі жалпы білім беретін мектептер жұмыс істейді, онда 4233 оқушы оқиды;
• 1 кәсіби-техникалық оқу орнында - 120 оқушы оқиды;
• 19 кітапхана;
• 18 клуб типті мекеме;
• 1 мұражай іс-әрекет етеді.

Әкімдері

1. Сағадат Жапабайұлы Дүйсебеков 1992-1997 Арғын, Қаракесек, Сарым
2. Ахметбеков Төлеужан Ахметбекұлы 1997 жылы 2 маусымда - 2001 жылы Арғын, Қаракесек, Сарым
3. Рысқали Қалиақбарұлы Әбдікеров 2001 жылы 8 ақпанда - 2005 жылы Арғын, Қаракесек, Керней
4. Тәтибеков Мейірхан Тәтибекұлы 2005 жылы 14 маусымда - 2006 жылы Арғын, Қаракесек, Сарым
5. Жарылғап Махмұт Сәдуақасұлы 2006 жылы 20 қазанда - 2010 жылы Арғын, Тобықты
6. Омаров Ғабдырахман Игілікұлы 2010 жылы 22 қаңтарда - 2011 жылы Арғын Қуандық Алсай
7. Қайыржан Кәрімұлы Тілеубергенов 2011 жылы 21 қазанда - 2012 жылы Арғын, Қаракесек, Сарым
8. Әбеуова Салтанат Мірәсілқызы 2012 жылы 28 тамызда - 2013 жылы Арғын, Қаракесек, Майлық
9. Ниқанбай Иманғалиұлы Омарханов 2013 жылы 29 маусымда - 2016 жылы Арғын, Қаракесек, Бұлбұл
10. Әбеуова Салтанат Мірәсілқызы 2016 жылы 12 көкекте Арғын, Қаракесек, Майлық