Ақжарық

Ауыл
Ақжарық
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Қарағанды
Ауданы	Ақтоғай
Ауылдық округі	Қызыларай
Тарихы мен географиясы
Координаттары	48°34′22″ с. е. 75°29′14″ ш. б.48.57278° с. е. 75.48722° ш. б. / 48.57278; 75.48722
Құрылған уақыты	1926
Уақыт белдеуі	UTC+5:00
Тұрғындары
Тұрғыны	▼438 адам (2021)
Сандық идентификаторлары
Автомобиль коды	09
Ақжарық картада Ақжарық Ақжарық
Ақжарық шекарасы

Ақжарық — Қарағанды облысы Ақтоғай ауданындағы ауыл, Қызыларай ауылдық округі орталығы.

Географиялық орны

Орталық Қазақстанның ең биік тауы Ақсораңның (1565м) етегінде, аудан орталығы – Ақтоғай ауылынан солтүстік-шығысқа қарай 46 км-дей жерде орналасқан.

Тарихы

Іргесі ұжымдастыру кезеңінде 1926 жылы құрылған. Округ аумағында 1930-1940 жылдары «Мәдениет», «Жұмыскер», «Кеңасу», «Үміт», «Бесата», «Қалмақбас» ұжымшарлары ұйымдастырылған. 1950-1990 жылдары «Қызыларай» кеңшарының және ауылдық кеңесінің орталығы. Округ аумағында Қарасиыр кен орны болған. Кеңасу, Тесіктас таулары, Мамай асуы, мәдени мұралар - балбал тастар бар. Шаруашылықтың мамандырылған негізгі бағыттары — қой шаруашылығы, қосымша саласы — егін шаруашылығы болды. Жерінің жалпы ауданы — 256,0 мың га.

Халқы

Саны (1999, 2009, 2021)

1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
1025	▼696	▼438	62,9	368	▼233	63,3	328	▼205	62,5

Инфрақұрылымы

Мектеп, фельдшер-акушерлік пункт, клуб, кітапхана және басқа да мәдени-тұрмыстық мекемелер бар. Кеңшар негізінде 57 шаруа қожалығы құрылған (2006). Ауыл басқа елді мекендермен автомобиль жолдары арқылы байланысады. Ең жақын Балқаш темір жол стансасы 270 км жерде.