Сарытау (тау, Абай облысы)
| Сарытау | |
| Сипаттамасы | |
|---|---|
| Пайда болған кезеңі | |
| Ұзындығы |
22 км |
| Ені |
10 км |
| Биіктігі |
1100 м |
| Орналасуы | |
|
48°36′44″ с. е. 81°00′11″ ш. б. / 48.61222° с. е. 81.00306° ш. б. (G) (O) (Я)Координаттар: 48°36′44″ с. е. 81°00′11″ ш. б. / 48.61222° с. е. 81.00306° ш. б. (G) (O) (Я) | |
| Елдер | |
|
| |
|
| |
Басқа мағыналар үшін Сарытау деген бетті қараңыз.Сарытау – Қалба жотасының қиыр оңтүстігіндегі тау сілемі.
Географиялық орны
[өңдеу | қайнарын өңдеу]Абай облысы Жарма ауданы Аршалы ауылының оңтүстік-шығысында 25 км жерде орналасқан.
Жер бедері
[өңдеу | қайнарын өңдеу]Абсолюттік биіктігі 1100 м. Бірнеше жеке таулардан тұратын күрделі пішінді тау тізбектері солтүстік-батыстан оңтүстік-шығысқа қарай 22 км-ге, енді жері 8-10 км-ге созылған. Сарытау оңтүстік-шығысқа қарай біртіндеп аласарып Көкпекті өзенінің жоғарғы аңғарында 860 м-ге дейін төмендейді. Бірнеше шоқылы таулардан тұрады. Жер бедері күмбезді-жартасты жақпартастардан тұрады. Таудың беткейлері өзен арналарымен, сай-жыралармен қатты тілімденген. Оңтүстік-шығыс баурайынан Ащысу өзенінің саласы – Арбалы өзені жəне Көкпекті өзенінің солтүстігінен Жарма өзенінің салалары бастау алады. Сондай-ақ тау баурайларында қайнар көздері, қыстаулар кездеседі.
Геологиялық құрылымы
[өңдеу | қайнарын өңдеу]Палеозой дəуірінің каледон тау жаралу кезіндегі Нарын синклинорийінің ультранегізді тау жыныстарынан тұрады.
Өсімдігі
[өңдеу | қайнарын өңдеу]Беткейі мен баурайындағы қиыршықтасты қызғылт қоңыр топырағында бұта, қайың, терек аралас далаға тəн бетеге, бидайық, қылқан боз, селеу, арпабас, т.б. астық тұқымдас шөптесіндер өскен.[1]
Дереккөздер
[өңдеу | қайнарын өңдеу]- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5