Сауле Лазарьқызы Рахмедова

Сауле Лазарьқызы Рахмедова 1969 жылы 11 шілдеде Ақтөбе қаласында туған. Қазақ. Әкесі - Рахмедов Лазарь Есқалиұлы, марқұм. Анасы - Рахмедова Жібек Мінәжқызы, зейнеткер, дәрігер-терапевт болып жұмыс істеген. А. Селезнев атындағы Алматы хореографиялық училищесінің хореография факультетін (1987), балет әртісі мамандығы бойынша; Гете атындағы Тіл институтын (1996) бітірген. «Нұр Отан» ХДП мүшесі. Орыс, ағылшын және неміс тілдерін біледі. 1987 жылдан - Абай атындағы Мемлекеттік опера және балет театры балетінің жеке орындаушысы. 1989-1995 жылдары - Ресейдің Еңбек сіңірген әртісі С.Н. Радченконың жетекшілігімен Мәскеу ұлттық балетінің жеке орындаушысы. 1999 жылдан - Соузерн балет жеке балет орындаушысы (Southern Ballet of Florida, АҚШ). 2000 жылдан - Нью-Джерси балет компаниясының балет солисі (New Jersey Ballet Company, АҚШ). 2008 жылдан бері - Абай атындағы Мемлекеттік операжәне балет театрының балет солисі. Балет спектакльдеріндегі төмендегі партияларды орындайды: А. Аданның «Жизель» (Жизель, Мирта); П.И. Чайковскийдің «Лебединое озеро» (Одетта-Одиллия); «Дон Кихот», «Спящая красавица» (Аврора, Фея Сирени); «Раймонда», «Баядера», Л. Минкус (Никия Гамзатти); «Эсмеральда»; А. Серкебаевтың «Тілеп пен Сара» (Сара); Ж. Бизенің, Р. Щедриннің «Кармен» (Кармен); П.И. Чайковскийдің «Щелкунчик» (Маша); С. Прокофьевтің «Ромео мен Джульетта» (Джульетта); П.И. Чайковскийдің «Красная Жи- зель» (Балерина); «Жорж Санд», «Бахчисарайский фонтан», Дж. Баланчин, Дж. Томал, А. Пайрфарок, А. Кодж, Джинджер және т.б. балеттерінде. Қазақстанның Еңбек сіңірген қайраткері (2006). «Алматы аруы 1988». «Қазақстан аруы 1989». Діни көзқарасы - ислам. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Қазақстанның өркендеуі, әл-ауқатының артуы». Хоббиі - саяхат жасау, кітап оқу, музыка. Сүйіп оқитын әдебиеті - көркем әдебиет, философия, психология. Тұрмыс құрмаған.