Секьюриттеу

Секьюриттеу , Секьюритизация (ағылшынның securіtіzatіon) – капиталдар нарығында бағалы қағаздар нарығының және соның негізінде құралдар рөлінің артуы үрдісі; банк несиесін алу орнына борышқорлық бағалы қағаздар шығару жолымен қаржы қаражатын тарту. Секьюриттеу, бір жағынан, несие капиталы нарығымен салыстырғанда бағалы қағаздар нарығының үлес салмағын көбейтуден, екінші жағынан, бағалы қағаздардың түрлері мен құрамын күрт кеңейтуден, ең алдымен солардың негізінде туынды және будан құралдарды күрт кеңейтуден көрініс табады. Секьюриттеу үдерісін туғызатын басты себептер: борышқорлық міндеттемелерді арзандатуға, пайыздық мөлшерлеменің барған сайын үдей түсетін тұрақсыздығынан қорғауға ұмтылыс, салық салудағы және мемлекеттік реттеудегі өзгерістер. Телекоммуникация, байланыс және компьютерлендіру саласындағы революцилық өзгерістер Секьюриттеуді жедел қарқынмен дамытып отыр, бұл өзгерістер қарызгерлер мен инвесторларды әлемдік ауқымда біріктіруге және делдалдардың, әсіресе банк құрылымдары арқылы біріктіруге мүмкіндік береді. ^[1]