Сергей Аполлинариевич Герасимов

Уикипедия — ашық энциклопедиясынан алынған мәлімет
Jump to navigation Jump to search

Сергей Герасимов (3.6. 1906. РКФСР. Свердловск қаласы.)кинорежиссер, актер, кино-драматург, кино теоретигі.[1]. Лениградтың мемлекеттік сахна өнері институтын бітірген (1928).

3-4-сайланған КСРО Жоғарғы Кеңесінің және 7-8-сайланған РКФСР Жоғарғы Кеңесінің депутаты. Бейбітшілікті Қорғау комитеті Кеңесінің Президиум мүшесі. 1924 жылдан бастап кино өнерімен шұғылданды. "Шинель", "С.В.Д.", "Жана Вавилион" және "Жалғыз әйел" (1926-31) фильмдеріне түскен. 30-шы жылдары режиссерлік-педагогикалық қызметпен айналысты. 1935-39 жылдары "Жеті батыр", "Комсомольск", "Ұстаз" атты фильмдерді жасаған. Өзінің режиссерлік өнерінде заманымыздың сом тақырыптарын көтерді, өмірдің көпқырлылығын бейнелей отырып, терең психологиялық тұлғаларды жасауға ұмтылған.

1941 жылы М.Лермонтовтың драмасы бойынша "Маскарад" фильмін қойып, өзі Бейтаныстың рөлін сомдаған. Ұлы Отан соғысы жылдары "Үлкен Жер" фильмін қойған. 1948-70 жылдары қойған таңдаулы фильмдерінің ішінде "Жас гвардия", "Тынық Дон", "Журналист", "Көл жағасында" т.б. бар.

Өнертану ғылымының докторы (1967). КСРО Халық әртісі (1948). КСРО Мемлекеттік сыйлығының иегері (1941, 1949, 1951, 1971). 1931 жылы ВГИК-те сабақ берген (1946 жылы профессор). Шәкірттері: С.Бондарчук, Л.Кулиджанов, М.Бегалин т.б. 2 рет Ленин орденімен, басқа 4 орденмен, медальдармен марапатталған.

Дереккөздер[өңдеу]

  1. "Қазақ телевизиясы", Энциклопедия, "ҚазАқпарат" Алматы, 2009 1-т, ISBN 978-601-03-0070-5