Сергей Константинович Гуляев

Уикипедия — ашық энциклопедиясынан алынған мәлімет
Jump to navigation Jump to search

Сергей Константинович Гуляев (23.10.1921, Шығыс Қазақстан облысы Риддер қаласы - 29.7. 1986, сонда) - 2-дүниежүзілік соғысқа қатысушы, кіші лейтенант.Геологиялық барлау партиясында коллектор қызметін атқарған. Кеңес әскері қатарына 1941 жылы шақырылып, 1942 жылдың мамырынан Воронеж селосы майданы 3-гвардиялык танк армиясы 7-танк корпусы 8-жеке барлау батальоны құрамында Ұлы Отан соғысына қатысқан. 1943 жылы 22 қыркүйекте Гуляев екі жауынгермен бірге Канев ауданы Трахтемиров селосының маңында Днепрдің Букрин тармағынан жасырын өтіп (Украина, Черкасск облысы), штабқа қажетті барлау мәліметтерін әкелді. КСРО Жоғарғы Кеңесі Төралқасының Жарлығымен Гуляевке батылдығы мен тапқырлығы үшін Кеңес Одағының Батыры атағы берілді (23.10.1943). Соғыстан кейін Гуляев әскери-саяси училищені бітірді. 1946 жылы запасқа шықты. Риддер қаласында тұрып, сонда еңбек етті. Ленин, 1-дәрежелі Отан соғысы ордендерімен, бірнеше медальдармен марапатталған.[1]

Дереккөздер[өңдеу]

  1. Айбын. Энциклопедия. / Бас редекторы Б.Ө.Жақып. - Алматы: «Қазақ энциклопедиясы», 2011. - ISBN 9965-893-73-Х