Солтүстік-батыс университеті

Үлгі:Infobox university Солтүстік-батыс университет (ағылш. Northwestern University) — АҚШ-тың Иллинойс штатының Эванстон қаласында орналасқан жекеменшік зерттеу универверситеті. Солтүстік-батыс университеті өзінің бизнес, заң, инженерлік, медицина және журналистка мектептерімен белгілі. Университеттің Чикагода, Дохада кампустары, Маями, Вашингтон және Сан-Франциско қалаларында программалар бар.

Солтүстік-батыс университеті 700 миллион долларға жуық грант бөлінетін АҚШ-тағы ең үлкен зерттеу университеттерінің бірі. Университеттің мақсатты капитал қоры (endowment) 11 миллиард долларды құрайды (АҚШ бойынша 9-көрсеткіш).

Солтүстік-батыс университеті бұрынғы және қазіргі оқытушылары мен түлектерінің арасында 19 Нобель лауреаты, 38 Пулитцер сыйлығының жеңімпазы, 65 Америка ғылым академиясының мүшесі және 2 Жоғары сот судьясы бар.

Тарихы

Солтүстік-батыс университеті 1851 жылы Джон Эванстың бастамасымен құрылған. Университет Чикаго қаласысның солтүстігіндегі Эванстон қаласында орналасқан.

Құрылымы

Эванстондағы кампус

• Вайнберг өнерлер мен ғылымдар колледжі (1851);
• Коммуникация мектебі (1878);
• Бинен музыка мектебі(1895);
• Келлогг менеджмент мектебі (1908);
• Аспирантура мектебі (The Graduate School) (1910);
• МакКормик инжерения және қолданбалы ғылымдар мектебі (1909);
• Медилл журналистика мектебі (1921);
• Білім және әлеуметтік саясат мектебі (1926);
• Кәсіби оқулар мектебі (School of Professional Studies) (1933).

Чикагодағы кампус

• Файнберг медицина мектебі (1859);
• Келлогг менеджмент мекеті (1908);
• Прицкер заң мектебі (1859);
• Кәсіби оқулар мектебі (School of Professional Studies) (1933).

Танымал ұстаздары

• Филип Котлер - заманауи маркетингтің әкесі атанған ғалым. Келлогг менеджмент мектебінде 1962 жылдан бері Маркетингтен сабақ береді. 40-қа жуық маркетингке байланысты кітаптың авторы. "Ұлттық аударма бюросы" қоғамдық қоры профессор Котлердің "Маркетинг негіздері" кітабын "Жаңа гуманитарлық білім. Қазақ тіліндегі 100 жаңа оқулық" жобасы аясында қазақ тіліне аударған;
• Гэри Сол Морсон - Славян тілдері мен әдебиеті департаментінің профессоры. Профессор Морсонның Анна Каренина курсына 500-ге жуық адам тіркеледі. Бұл АҚШ-тағы славян курстарының студент саны бойынша ең үлкені болып саналады. Профессор Морсон 30-ға жуық кітаптың авторы;
• Ирвин Уайл - Славян тілдері мен әдебиеті департаментінің профессоры;
• Джоэль Мокир - экономика тарихы және экономикалық өсу бойынша бірқатар кітап жазған ғалым;
• Роберт Гордон - макроэкономист, "Американың өсуі мен құлдырауы" атты кітаптың авторы;
• Гари Крамер - Келлогг менеджмент мектебінің профессоры. Өзінің құндылықтарға негізделген көшбасшылық авторлық курсын әзірлеген. 1999-2004 жылдары Бакстер компаниясының Бас директоры болған.

Танымал түлектері

• Стивен Колберт - танымал америкалық шоумен және тележүргізуші;
• Меган Маркл - танымал актриса, британ ханзадасы Гарридің әйелі;
• Коди Кинан - АҚШ Ақ үйінің спичрайтинг директоры болған (Обама әкімшілігі);
• Джордж Рэймонд Ричард Мартин - жазушы, сценарийші. HBO каналы Мартиннің «Мұз бен от жыры» фантазиялық романдар циклінің негізінде "Тақтар таласы" сериалын түсірген.