Сыртқы электромагниттік әсер

Сыртқы электромагниттік әсер - Қазіргі электр энергиясын тарататын электр тізбектерінде бейнесі мен бағыты әр түрлі электр және магнит өрістерін алады. Осы жоғары кернеу жолының маңайында орналасқан әуе байланыс жолы мен кабель байланыс жолы тізбектерінде ток пен кернеу пайда болады. Жоғары кернеу жолының маңайына орналасқан байланыс жолдарында электромагниттік әсерден басқа гальваникалық байланыстың болуынан ток пен кернеу пайда болады. Осы сыртқы әсер етуші энергия көздерінен байланыс жолдарының тізбектерінде пайда болатын ток пен кернеу өздерінің мелшеріне қарай қауіпті немесе бөгеуіл туғызады. Сыртқы әсер етуші энергия көздеріне жататындар: электр энергиясын тарататын энергия жолдары; электрленген темір жолдар; атмосфералық (найзағай) әсерлер; радиостанциялар; электр қуатымен жұмыс істейтін әндірістік тұрмыстық қондырғылар, т.б. Кейбір жағдайларда сыртқы электромагниттік әсерден байланыс жолдарында пайда болатын токтар мен кернеу шамаларының үлкен болатыны сонша, олар сол байланыс жолымен және оларға қосылған құрал қондырғыларға, сонымен қатар қызметкерлердің оміріне қауіп туғызуы мүмкін. Мұндай әсерлерді "қауіпті әсер" дейді. Электр энергиясын тарататын жолдар мен найзағай қауіпті әсер туғызады. Сыртқы әсерден байланыс жолдарында пайда болатын ток пен кернеу шамалары қауіп туғызарлықтай үлкен болмаса, бірақ сигнал таратып жеткізуғе бөгеуіл жасаса, оны "бөгеуіл әсері" деп атайды. Байланыс кабел салынған жердегі гальваникалық әсер туғызатын қыдырма токтар кабельдердің металл қабығын тотықтырып, бұзылуына себеп болады.