Талдаудың радиометрлік әдістері. Қолданылуы

Талдаудың радиометрлік әдістері. Қолданылуы.

Аналитикалық химияда радиоактивтіктің қолданылуы сан алуан, әсіресе радиоактивтілікті өлшеу ғьшыми-зерттеу мақсатында, мысалы, көптеген химиялық реакциялардың кинетикасы мен механизмін зерттеу, түрлі физикалық және химиялық тұрақтыларды анықтауда кең қолдау табуда. Радиоактивтілік талдау әдісі бойынша түрлі биологиялық және физиологиялық кұбылыстар зерттеледі. Бұл әдіс кейбір ауруларға диағноз қоюға қолданылды. Изотопты қосу арқылы басқаша әдістермен талданбайын күрделі қоспаларды зерттеуге болады. Химиялық қасиеті бойынша өте жақын, атап айтқанда, цирконий -гафний, ниобий - тантал сияқты қоспалар. Бұл әдіс органикалық қосылыстарды талдағанда да, олардың механизмін зерттеп, өзара түрленуін анықтағанда да тиімді.

Аналитикалық әдістердін ішінде радиометрлік әдістердің артықшылығы - талданылатын элементтің өте аз мелшерде болуы, әмбебаптығы, жоғарғы талданпаздығы, қоспада кездесетін бірнеше элементтерді бір сәтте анықтайтындығы. Ол тіпті бір граммның миллиондаған бөлігін де талдайды.

Радиометрлік әдіс бұзуға жол бермейтін әдіске жатады. Көптеген жағдайда үлгіні ерітіндіге айналдыруды керек етпейді, сынаманы әзірлеуде уақыт көп кетпейді.

Жоғары сапалы таза заттарды да осы радиометриялық әдіс арқылы анықтаймыз. Мұндай caп, таза заттар оптикада, электроникада, атом өнеркәсібінде және халық шаруашылығының басқа да салаларында қолданылады. Активтелген талдау әдісі суды, көптеген геохимиялық, биологиялық, ғарыштық заттарды да талдауға және олардың сапасын бақылауға жемісті қсшданылады.

Резонансты гамма спектроскопия аналитикалық химияда шектеулі қолданғанымен, ол ғылыми-зерттеу жұмыстарындағы көптеген теориялық мәселелерді, атап айтқанда, қосылыстағы валенттілік күйі мен атомдардың тотығу дәрежесін анықтауға көмектеседі.

Жалпы радиометрлік әдістің басты кемшілігі - ол адамға зиянды радиоактивті заттармен жұмыс істеу. Радиоактивті қосылыстар, жекеленген заттар мен элементтер тірі организмге тікелей әрі теріс әсер етіп, қауіп төндіреді. Демек, олармен жұмыс істегенде ерекше ережелер мен нұсқауларды өте мұқият орындау керек.