Тауарларды кедендік аумақта кедендік қайта өңдеу режимі

Тауарларды кедендік аумақта кедендік қайта өңдеу режимі (ағыл. customs treatment (regime) of goods processing the customs territory; нем. Zollverfahren der Warenverarbeitung an dem Zollgebiet n) - Тарифтік емес реттеу шараларын қолданбай және кедендік баждарды және салықтарды алмай, қайта өңдеу енімдерін кейіннен Қазақстан Республикасының кедендік аумағынан тыс жерлерге әкете отырып, Қазақстан Республикасының кедендік аумағында шетелдік тауарларды қайта өңдеу үшін пайдалануға арналған кедендік режим.

Заңда белгіленген жағдайларда кедендік аумақта тауарларды кедендік қайта өңдеу режиміне орналастырылған шетел тауарларын қазақстандық тауарлармен ауыстыруға жол беріледі.

Шетел тауарларының қайта өңдеу өнімдері әкетілімдік кеден баждарынан босатылады. Аталған өнімдерге тарифтік емес реттеу шаралары қолданылмайды. Қайта өңдеу өнімдерін еркін айналыс үшін шығарудың кедендік режиміне орналастырылған жағдайда, кедендік баждар және салықтар, сондай-ақ тарифтік емес реттеу шаралары қайта өңдеу өнімдеріне қолданылады.