Тұрсынбек Әбдібайұлы Нұрқалиев

Тұрсынбек Нұрқалиев
Туған күні	22 шілде 1950 (1950-07-22)
Туған жері	Қаскелең, Алматы облысы
Қайтыс болған күні	16 ақпан 2022 (2022-02-16) (71 жас)
Ұлты	қазақ
Қызметі	балетмейстер
Әкесі	Әбдібай Нұрқалиев
Анасы	Сейсеп Нұрқалиева
Жұбайы	Ғалия Бөрібаева
Балалары	қызы: Жәмиля
Марапаттары мен сыйлықтары	Қазақстанның еңбек сіңірген қайраткері

Тұрсынбек Әбдібайұлы Нұрқалиев (22 шілде 1950, Қаскелең, Алматы облысы — 16 ақпан 2022) — Қазақстанның еңбек сіңірген қайраткері, «Астана Опера» балет труппасының директоры.

1950 жылы 22 шілдеде Алматы облысының Қаскелең қаласында туған. Қазақ. Әкесі — Нұрқалиев Әбдібай. Анасы — Нұрқалиева Сейсеп. Алматы мемлекеттік хореографиялық училищесін (1970) балет әртісі; Т. Жүргенов атындағы Қазақ ұлттық өнер академиясының «Балетмейстерлік шеберлік» факультетін (2002) режиссер-хореограф мамандығы бойынша бітірген. Қазақ және орыс тілдерін біледі. «Нұр Отан» ХДП мүшесі (2008 жылдан). 1970 жылдан — Абай атындағы Мемлекеттік академиялық опера және балет театры балетінің жеке орындаушысы. 2000 жылдан бері — К. Байсейітова атындағы Ұлттық опера және балет театрының бас балетмейстері. Діни көзқарасы — мұсылман. Саяси қайраткер ретіндегі идеалы — М. Ганди, Н.Ә. Назарбаев. Қазақстанның болашағы туралы болжамы — «Қазақстанның әлемдік қауымдастық көшбасшыларының қатарына жылжуы». Хоббиі — шығыс жекпе-жегі. Сүйіп оқитын әдебиеті — классикалық әдебиет, фантастика, қазақ тарихы, өнер тарихы, детективтер. Үйленген. Жұбайы — Бөрібаева Ғалия Исмаилқызы (1950 ж. т.), К. Байсейітова ұлттық опера және балет театрының балет труппасының меңгерушісі. Қызы — Нұрқалиева Жәмиля Тұрсынбекқызы (1978 ж. т.).