Тұсақ қой

Тұсақ қой - 1,5-2,5 жас аралығындағы ұрғашы қой. Әдетте тұсақ қой 2 жас шамасында алғашқы рет қоздайды. Тұсақ қой қоздағанда қозысының ауызданып, оны енесінің толық алғанын қатаң бақылайды. Тұсақ қой көбінесе жалқы табады, соңда да қозы сақа қойдікінен кішілеу болып, енесінен бөлгендегі салмағы да төмен болады. Асыл тұқымды биязы жүнді қой өсіретін шаруашылықтарда жоғары өнімді тұсақ қойды 2 жасыңда тудырмай, 2,5 жасында бірінші рет ұрықтандырып, 3 жасында алғашқы рет қоздату әдісімен тұсақ қойдан алынған төлдің салмағын өсіріп, сапасын жоғарылатады.