Удод Владимир Максимович

Удод Владимир Максимович (10.2.1919 ж.т., Одесса облысы Березовка с.) – медицина ғылымының докторы (1966), профессор (1967). Черновцы медицина институтын бітірген (1946). Украинадағы Рогатин (1946–50) және Яремча (1950–57) қалаларында бас дәрігер, Закарпатье облысы Хуст қаласында дәрігер-хирург (1957–59), Львов облысы Борислав қаласында бас дәрігер, бөлімше меңгерушісі (1959–65); Целиноград мемлекеттік медицина институтында кафедра меңгерушісі (1965–91, қазіргі Астана мемлекеттік медицина академиясы) болды. 1991 жылдан Ақмола (қазіргі Астана) мемлекеттік медицина академиясында профессор қызметін атқарды. Ғылыми жұмыстары негізінен хирургия мәселелеріне арналған. Ол қалқанша без, ішек-қарын, іріңді жара хирургиясымен айналысқан. 386 ғылыми жарияланымның, оның ішінде 4 монография мен 5 оқу құралының авторы. 4 өнертабыс пен 25 ұсыныстың иегері.