Уикипедия:Таңдаулы мақалаға үміткерлер/Ережелер

Уикипедия — ашық энциклопедиясынан алынған мәлімет
Jump to navigation Jump to search

Таңдаулы суреттер · Таңдаулы порталдар · Таңдаулы тізімдер · Таңдаулы мақалалар · Жақсы мақалалар

Таңдаулы мақала - дегеніміз қауым мүшелерінің пікірі бойынша Уикипедия талаптарына барынша жауап беретін және қарастырған тақырып жөнінде толық ақпарат беретін мақала.

Таңдаулы мақала талаптары

Мазмұны тұрғысынан

  • Басты талап: мақала қарастырған тақырыпқа қатысты барлық мүмкін ақпаратты (дәйек, дәлел, пікір, қайнаркөз, сын, мақтау) қамтуы тиіс.
  • Келітірілетін барлық ақпарат нақты болуы тиіс, яғни тексерілетін болуы міндетті. Болжамдап, шамалап айтуға болмайды.
  • Алғашқы сөйлем - қарастырылатын тақырып бойынша негізгі ұғымға немесе түсінікке түсіндірме беруі керек.
  • Таңдаулы мақала - ғылыми ортада қалыптасқан көзқарасқа негізделуі керек. Көтерілетін мәселе даулы болмауы және мазмұны бейтарап болуы тиіс.
  • Мақала заманауи ғылыми еңбектерге сүйенгені абзал. Қайнаркөздердің барынша мол болғаны және беделді болғаны дұрыс.
  • Мақала әдеби қазақ тілінде, сауатты және ғылыми стилде жазылуы керек.
  • Мақалада грамматикалық және мағыналық қателер болмауы тиіс.
  • Мақала арнайы терминдер мен түсініктерді пайдалануы керек. Дегенмен маман емес оқырманға да түсіну оңай болғаны қажет.

Формасы тұрғысынан

  • Мақаланың көлемі қарастыратын тақырыптың ауқымына қарай болуы керек. Қажет жағдайда жеке тақырыптар арнайы бөлек мақала ретінде шығарылуы қажет.
  • Мақала Уикипедия талаптарына сәйкес өңделуі (форматталуы) қажет. Яғни, уикибелгілер, интеруикилер және басқа мақалаларға сілтемелер қойылуы қажет.
  • Мақаланың құрылымы нақты және түсінікті болуы керек.
  • Мақаланың мазмұнына байланысты безендіру материалы (сурет) пайдалану керек.
  • Мақаланы өңдеу (формат) шектен тыс болмағаны дұрыс. Бұл оқуды қиындатуы мүмкін.
  • Мақала Уикипедиядағы басқа мақалаға сілтемейтін және басқа мақаладан мұнда сілтемейтін "жетім мақала" болмауы қажет.

Заң тұрғысынан

  • Таңдаулы мақала ешбір жерден көшірілмеуі тиіс. Яғни, дайын материал авторлық құқық тұрғысынан қорғалмаған жағдайда да редакторлар өз сөзімен жазуы қажет. Алайда мақаланың мазмұны еш жерде жарияланбаған жаңа туынды (зерттеу жұмысы) болмауы керек.
  • Мақалада пайдаланылатын суреттер құқықтық тұрғыдан таза болуы қажет. Суреттер Уикипедияда пайдалануға рұқсат бермейтін басқа лицензиялармен қорғалмауы міндетті. Уикипедия мақаласында қолданылған суреттің бетінде оның авторы мен лицензиясы көрсетіледі.

Таңдауға қойылатын талаптар

Мақаланы таңдаулы деп таңдау үшін оған кем дегенде 10 қатысушы дауыс беруі керек. Дауыс берушіге қойылатын талаптар:

  1. Уикипедияда тіркелген уақыты: кем дегенде 2 ай
  2. Өңдеулер саны: кем дегенде 100

Дауыс санына қойылатын талаптар:

  1. Қолдаушы дауыстың жалпы үлесі: кем дегенде 75%
  2. Дауыс саны: кем дегенде 10 дауыс