Федор Яковлевич Середин

Уикипедия — ашық энциклопедиясынан алынған мәлімет
Jump to navigation Jump to search

Федор Яковлевич Середин(15.2.1918, Шығыс Қазақстан облысы,Бородулиха селосы - 14.10. 1943) - 2-дүниежүзілік соғысқа қатысушы, аға лейтенант, батальон командирі. 1937 жылы Ташкенттегі әскери училищені бітірген. 1940 жылы финдерге қарсы соғысқа қатысқан. Соғыс қарсаңында Куйбышев қаласындағы (қазіргі Самара қаласы) әскери училищеде оқытушы болып жұмыс істеген. 1943 жылдың ақпан айынан Ұлы Отан соғысына қатысты. 1943 жылы 1 қазанға қараған түні қолдағы қажет құрал-жабдықтармен батальон командирі өз жауынгерлерін Днепрден өткізіп, үрыстың ауыр кезеңінде көршілес бөлімшеге жәрдем берді. Днепрдің оң жағалауындағы Мичурин Рог селосын жаудан тазартқан соң Серединнің батальоны дивизияны орналастыру үшін жау плацдармын тартып алып, елді мекендерді азат етті. Кеңестік әскери бөлімдерді кері шегіндіру үшін жау танкілері мен жаяу әскерінің ірі күштерін осы жерге жинады. 1943 жылы 14 қазанда қарсы шабуылға шыққан жау әскері батальонның командалық пунктін үш жақтан қоршауға алды. Ұрыстың ауыр кезеңінде Середин өзі бастап шабуылға ұмтылып,жау әскерін кейін шегіндірді. Олардың үш шабуылына тойтарыс беріп, төртінші жойқын қарсы шабуылы кезінде ауыр жараланған Середин қаза тапты. Серединге КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (1943).[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х