Фрицис Адамович Розинь

Фрицис (Фридрих) Розинь (Розиньш)
латышша Fricis Roziņš
Туған күні	7 (19). 3. 1870
Туған жері	Пурмсаты болысы
Қайтыс болған күні	7. 5. 1919
Қайтыс болған жері	Резекненск ауданы
Азаматтығы	КСРО Исколата Республикасы ЛКСР
Қызметі	марксист, публицист

Фрицис (Фридрих) Адамович Розинь (Розиньш) (латышша Fricis Roziņš;7 (19). 3. 1870, Пурмсаты болысы, қазіргі Латыш КСР-і, Лиепайск ауданы, Вирга селолық Кеңесі,— 7. 5. 1919, Глужнев ауылы, қазіргі Латыш КСР-і, Резекненск ауданы, Шпели селолық Советі, Ригада жерленген) — Латвия Компартиясының негізін қалаушылардың бірі, публицист, 1891—97 ж. Тарту университетінде оқыды, революциялық қозғалысқа қатысты. 1899 ж. Англияға эмиграцияға кетті, мұнда Латыш социал-демократтарының журналдарын ұйымдастырды және редакторы болды. Латыш социал-демократтарының жұмысшы партиясын ұйымдастыруға қатысты (1904), ОК мүшесі болды. 1905 ж. қаңтарда жасырын түрде Латвияға келіп, партиялық баспасөзге басшылық етті. РСДЖП 5-съезінің делегаты. 1908 ж. тұтқынға алынып, өмір бойы Сібірге жер аударылды. 1913 жылы қашып шығып, Америкада Латыш социал-демократтарының «Рабочий» газетін редакциялады. 1917 ж. қарашада Латвияға оралды.