Хелен Шармен
| Хелен Шармен | |
| ағылш. Helen Sharman | |
 | |
| Мемлекеті | |
|---|---|
| Мансабы |
Ғарышкер |
| Экспедициялары |
Союз ТМ-12 — Мир — Союз ТМ-11 |
| Ғарышта болған уақыты |
7 күн 21 сағат 13 минут |
| Туған күні | |
| Туған жері | |
| Сыйлықтары |
|
Ортаққордағы санаты: Хелен Шармен | |
Хелен Патрисия Шармен (ағылш. Helen Patricia Sharman) — Ұлыбританияның алғашқы ғарышкері, Батыс Еуропа елдерінен ғарышқа ұшқан алғашқы әйел, сондай-ақ Мир станциясына ұшқан алғашқы әйел.
Өмірбаяны[өңдеу | қайнарын өңдеу]
Хелен Шармен туған қаласындағы Шеффилд университетін 1984 жылы бітіріп, химия маманы атанады. Үш жылдан соң ол Лондондағы Биркбек университетінен докторлық дәрежені алады.
Жұмыс жолын Лондондағы General Electric Company мекемесінен бастайды. Кейін АҚШ-тағы Mars кондитерлік фирмасына түсіп, шоколадтың жұпарын зерттеумен айналысады. Кейін бұған байланысты оны прессада «The Girl from Mars» (Марстан келген қыз) деп атап та кеткен.
1989 жылдың маусымында ол радиодан келесі жарнаманы естиді: «Astronaut wanted — no experience necessary» (Астронавтты іздейміз — тәжірибе маңызды емес). Бұл оның ғұмырын жер мен көктей өзгертіп жіберген мезет болды. 13 мың адам ішінен таңдалған төрт тұлғаның бірі Хелен болды. Бірнеше айға созылған жаттығулардан соң бірінші британ ғарышкері болуға оны лайық деп таныды.
1991 жылдың 18 мамырында ол және Кеңестердің екі ғарышкері Союз аппаратында ғарышқа ұшырылады. Шармен Мир станциясында сегіз күндей болып, миссиясы аясында медициналық және тағамдық зерттеулерді өткізді, сондай-ақ британ оқушыларымен радиобайланысқа шықты.
Ғарышқа ұшқанда Хелен Шармен 28-ге таяған еді. Ол барлық ғарышкерлердің ішінде ең жас тұлғалардың бірі болып келеді.
1992 жылы оған Британ империясының ордені табысталды, сондай-ақ Патшалық химиялық қоғамның құрметті мүшесі атағы берілді.
Кейінгі жылдары Хелен Шармен ғылыми жұмыстармен айналасуды жалғастырды.[1][2][3]
Кітаптары[өңдеу | қайнарын өңдеу]
- Seize the Moment: Autobiography of Britain's First Astronaut, Кристофер Пристпен бірге жазған автобиографиясы, алғысөз авторы Артур Чарльз Кларк (London: Gollancz, 1993 – ISBN 0-575-05819-6)
- The Space Place (Making Sense of Science), балаларға арналған кітап, суреттердің авторы Мик Рольф (Portland Press, 1997. ISBN 1-85578-092-5)
Дереккөздер[өңдеу | қайнарын өңдеу]
- ↑ Helen Sharman, Made in Sheffield. Made in Sheffield Dot Com.
- ↑ bbk: Birkbeck's Magazine, Issue 29, SPRING 2011.. Birkbeck University.
- ↑ Soviets Launch 1st Briton Into Space on Dream Flight (19 May 1991), бет A16.